State Govt: ಉನ್ನತ ಶಿಕ್ಷಣ ಪರಿಷತ್‌ಗೆ ಹತ್ತು ಶಿಕ್ಷಣ ತಜ್ಞರ ನಾಮನಿರ್ದೇಶನ

ಬೆಂಗಳೂರು: ಉನ್ನತ ಶಿಕ್ಷಣ ಇಲಾಖೆ ವ್ಯಾಪ್ತಿಯ ಕರ್ನಾಟಕ ರಾಜ್ಯ ಉನ್ನತ ಶಿಕ್ಷಣ ಪರಿಷತ್ತಿಗೆ ಹತ್ತು ಮಂದಿ ಶಿಕ್ಷಣ ತಜ್ಞರನ್ನು ನಾಮ ನಿರ್ದೇಶನ ಮಾಡಿ ರಾಜ್ಯ ಸರಕಾರ ಆದೇಶಿಸಿದೆ.

ವಿಶ್ರಾಂತ ಕುಲಪತಿಗಳಾದ ಪ್ರೊ| ಎಚ್‌.ಸಿ.ಬೋರಲಿಂಗಯ್ಯ, ಪ್ರೊ| ಕರಿಸಿದ್ದಪ್ಪ, ಪ್ರೊ| ಕೆಂಪರಾಜು ಟಿ.ಡಿ., ನಿವೃತ್ತ ಕುಲಸಚಿವರಾದ ಪ್ರೊ| ಎಸ್‌.ಎ.ಪಾಟೀಲ್‌, ಪ್ರೊ| ಸುನಂದಮ್ಮ, ನಿವೃತ್ತ ಪ್ರಾಧ್ಯಾಪಕರಾದ ಪ್ರೊ| ರಹಮತ್‌ ತರೀಕೆರೆ, ಪ್ರೊ| ತೆರೇಸಾ ಮಿಥಿಲಾ ವಿನ್ಸೆಂಟ್‌, ಡಾ| ಎನ್‌.ನಂದಿನಿ, ಪ್ರೊ| ಮಲ್ಲಿಕಾರ್ಜುನ ಆರ್‌.ಹಲಸಂಗಿ ಮತ್ತು ಡಾ| ಯತಿರಾಜುಲು ನಾಯ್ಡು ಅವರನ್ನು ನೇಮಿಸಲಾಗಿದೆ. ಅವರ ಅಧಿಕಾರಾವಧಿ 5 ವರ್ಷ ಅಥವಾ 70 ವರ್ಷ ತುಂಬುವವರೆಗೆ ಅಥವಾ ಮುಂದಿನ ಆದೇಶದವರೆಗೆ ಇರಲಿದೆ ಎಂದು ಸರಕಾರ ತಿಳಿಸಿದೆ.