ಮುಂಬಯಿಯ ಸುಪ್ರಸಿದ್ಧ ಲಾಲ್‌ಬಾಗ್‌ ರಾಜಾ ಗಣೇಶೋತ್ಸವ ರದ್ದು

ಮುಂಬಯಿ: ಕೋವಿಡ್ 19ನ ಕರಿನೆರಳು ಈ ಬಾರಿ ಗಣೇಶೋತ್ಸವಗಳ ಮೇಲೂ ಆವರಿಸಿದೆ.

ಮುಂಬಯಿಯ ಸುಪ್ರಸಿದ್ಧ ‘ಲಾಲ್‌ಬಾಗ್‌ ರಾಜಾ ಗಣೇಶ ಹಬ್ಬ’ 87 ವರ್ಷಗಳಲ್ಲಿ ಇದೇ ಮೊದಲ ಬಾರಿಗೆ ರದ್ದಾಗಿದೆ.

11 ದಿನ ರಕ್ತದಾನ: ‘ಭಕ್ತರು ಅಪಾರ ಸಂಖ್ಯೆಯಲ್ಲಿ ಸೇರುವ ಕಾರಣದಿಂದಾಗಿ ನಾವು ಈ ಬಾರಿ ಗಣೇಶನ ಮೂರ್ತಿಯನ್ನು ಇಡುವುದಿಲ್ಲ.

ಆದರೆ ಉತ್ಸವದ 11 ದಿನಗಳ ಅವಧಿಯಲ್ಲಿ ರಕ್ತದಾನ ಶಿಬಿರ, ಪ್ಲಾಸ್ಮಾ ದಾನ ಶಿಬಿರಗಳನ್ನು ಆಯೋಜಿ­ಸುತ್ತೇವೆ.
ಅಲ್ಲದೆ ದೇಶಕ್ಕಾಗಿ ಪ್ರಾಣ ಸಮರ್ಪಿಸಿ ಹುತಾತ್ಮರಾದ ಪೊಲೀಸ್‌ ಹಾಗೂ ಯೋಧರ ಕುಟುಂಬಗಳಿಗೆ ಇದೇ ವೇಳೆ ಸಮ್ಮಾನ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳುತ್ತೇವೆ’ ಎಂದು ಮಂಡಲ್‌ ಕಾರ್ಯದರ್ಶಿ ಸುಧೀರ್‌ ಸಾಳ್ವಿ ತಿಳಿಸಿದ್ದಾರೆ.