Rajasthan ಅತ್ಯಾಚಾರಿಗಳಿಗೆ ಸರಕಾರಿ ನೌಕರಿ ಇಲ್ಲ: ಅಶೋಕ್‌ ಗೆಹ್ಲೋಟ್ 

ಜೈಪುರ: ಲೈಂಗಿಕ ಅಪರಾಧದ ಆರೋಪ ಅಥವಾ ಅತ್ಯಾಚಾರ ಪ್ರಕರಣದ ಆರೋಪಗಳನ್ನು ಎದುರಿಸುವವರನ್ನು ಸರಕಾರಿ ಹುದ್ದೆಗಳಿಂದ ನಿರ್ಬಂಧಿಸಲಾ ಗುವುದು ಎಂದು ರಾಜಸ್ಥಾನ ಸಿಎಂ ಅಶೋಕ್‌ ಗೆಹ್ಲೋಟ್ ಹೇಳಿದ್ದಾರೆ.

ಈ ಬಗ್ಗೆ ಎಕ್ಸ್‌(ಟ್ವಿಟರ್‌)ನಲ್ಲಿ ಮಾಹಿತಿ ನೀಡಿರುವ ಗೆಹ್ಲೋಟ್ ” ಸರಕಾರಿ ಹುದ್ದೆಗಳಿಗೆ ಸೇರುವವರು ತಮ್ಮ ನಡವಳಿ ಪತ್ರಗಳನ್ನೂ ಸಲ್ಲಿಸಬೇಕಿದ್ದು, ಅದನ್ನು ಪೊಲೀಸರೇ ನೀಡಬೇಕಿರುತ್ತದೆ.

ಆ ಸಂದರ್ಭದಲ್ಲಿ ಆರೋಪಗಳ ಬಗ್ಗೆಯೂ ಉಲ್ಲೇಖಿಸಲಾಗುತ್ತದೆ. ಅಂಥವರಿಗೆ ಸರಕಾರ ಯಾವುದೇ ಕಾರಣಕ್ಕೂ ಕೆಲಸ ನೀಡುವುದಿಲ್ಲ. ಸಮಾಜ ವಿರೋಧಿ ಕೃತ್ಯಗಳಿಗೆ ಸಾಮಾಜಿಕ ಬಹಿಷ್ಕಾರವೇ ಮದ್ದು! ಹಾಗಾಗಿ ಸರಕಾರ ಈ ನಿರ್ಣಯ ತೆಗೆದುಕೊಂಡಿದೆ ‘ ಎಂದಿದ್ದಾರೆ.