ಟಿಆರ್‌ಪಿ ಕೇಸ್‌: ರಿಪಬ್ಲಿಕ್‌ಗೆ ಕ್ಲೀನ್‌ಚಿಟ್‌

ಮುಂಬೈ: 2020ರ ಟೆಲಿವಿಷನ್‌ ರೇಟಿಂಗ್‌ ಪಾಯಿಂಟ್ಸ್‌(ಟಿಆರ್‌ಪಿ) ಬದಲಾವಣೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಅರ್ನಾಬ್‌ ಗೋಸ್ವಾಮಿ ಅವರ ರಿಪಬ್ಲಿಕ್‌ ಸುದ್ದಿ ಸಂಸ್ಥೆಗೆ ಜಾರಿ ನಿರ್ದೇಶನಾಲಯ ಗುರುವಾರ ಕ್ಲೀನ್‌ ಚಿಟ್‌ ಕೊಟ್ಟಿದೆ. ಅದರೊಂದಿಗೆ ಆರ್‌ ಭಾರತ್‌ ಹೆಸರಿನ ವಾಹಿನಿಯನ್ನೂ ಆರೋಪ ಮುಕ್ತಗೊಳಿಸಲಾಗಿದೆ.

ಟಿಆರ್‌ಪಿ ಬದಲಾವಣೆಯಲ್ಲಿ ರಿಪಬ್ಲಿಕ್‌ ಮಾಧ್ಯಮ ಸಂಸ್ಥೆಯ ಕೈವಾಡವಿರುವುದಕ್ಕೆ ಯಾವುದೇ ಸಾಕ್ಷಿಯಿಲ್ಲ ಎಂದು ಜಾರಿ ನಿರ್ದೇಶನಾಲಯ ಹೇಳಿದೆ. ಇಂಡಿಯಾ ಟುಡೇ ವಿರುದ್ಧದ ಪ್ರಕರಣದ ತನಿಖೆ ಜಾರಿಯಲ್ಲಿದೆ.

ಅಪರಾಧ ಇಲಾಖೆಯು 2021ರ ಜೂನ್‌ನಲ್ಲಿ ಚಾರ್ಜ್‌ಶೀಟ್‌ ಸಲ್ಲಿಸಿದ್ದು, ಅದರಲ್ಲಿ ಅರ್ನಾಬ್‌ ಅವರನ್ನು ದೋಷಿ ಎಂದು ಕರೆದಿತ್ತು. ಜಾರಿ ನಿರ್ದೇಶನಾಲಯವು ಸೆ.15ರಂದು ಭ್ರಷ್ಟಾಚಾರ ನಿಗ್ರಹ ನ್ಯಾಯಾಲಯಕ್ಕೆ(ಪಿಎಂಎಲ್‌ಎ) ಚಾರ್ಜ್‌ಶೀಟ್‌ ಸಲ್ಲಿಸಿದೆ.