ಕ್ಯಾಲಿಫೋರ್ನಿಯಾ ಕಾಂಡರ್ಸ್‌ ಕುತೂಹಲಕಾರಿ ಸಂತಾನೋತ್ಪತ್ತಿ: ಗಂಡಿನ ಸಂಪರ್ಕವಿಲ್ಲದೆ ಜನನ

ವಾಷಿಂಗ್ಟನ್‌: ಕ್ಯಾಲಿಫೋರ್ನಿಯಾ ಕಾಂಡರ್ಸ್‌ ಎಂಬ ಜಾತಿಯ ಪಕ್ಷಿಗಳು, ಈಗ ತನ್ನ ಜಾತಿಯ ಪುರುಷ ಹಕ್ಕಿಯ ಸಹಾಯವಿಲ್ಲದೆ ಜನಿಸಬಲ್ಲ ಜೀವಿಗಳ ವರ್ಗಕ್ಕೆ ಹೊಸದಾಗಿ ಸೇರಲ್ಪಟ್ಟಿವೆ! ಇತ್ತೀಚಿನ ವರ್ಷಗಳಲ್ಲಿ ಈ ಜಾತಿಯಲ್ಲಿ ಜನಿಸಿರುವ ಎರಡು ಗಂಡು ಹಕ್ಕಿಗಳ ಡಿಎನ್‌ಎಯನ್ನು ಪರೀಕ್ಷಿಸಿದಾಗ ಇವು ಕೇವಲ ತಾಯಿಯ ಅಂಡಾಣುವಿನಿಂದ ರೂಪುಗೊಂಡಿ­ರುವ ಪಕ್ಷಿಗಳೆಂಬುದು ಪತ್ತೆಯಾಗಿವೆ. ಇವುಗಳಲ್ಲಿ ಯಾವುದೇ ಪುರುಷ ಹಕ್ಕಿಯ ಅಂಶಗಳು ಪತ್ತೆಯಾಗಿ­ಲ್ಲದಿರುವುದು ವಿಜ್ಞಾನಿಗಳಿಗೇ ಅಚ್ಚರಿ ತಂದಿದೆ!

1980ರ ದಶಕದಲ್ಲಿ ಅಮೆರಿಕದ ನೈಋತ್ಯ ಭಾಗದಲ್ಲಿ ಅಳಿವಿನಂಚಿಗೆ ಸರಿದಿದ್ದ 22 ಕಾಂಡೊರ್‌ಗಳನ್ನು ಗಂಡು-ಹೆಣ್ಣುಗಳ ಪ್ರತ್ಯೇಕ ಜೋಡಿಯಾಗಿಸಿ, ಪ್ರತಿಯೊಂದು ಜೋಡಿಯನ್ನೂ ಪ್ರತ್ಯೇಕ ಗೂಡುಗಳಲ್ಲಿ ಇರಿಸಲಾಗಿತ್ತು. ಅಲ್ಲಿ ಜನಿಸಿದ ಹೊಸ ಹಕ್ಕಿಗಳ ಡಿಎನ್‌ಎ ಪರೀಕ್ಷೆ ನಡೆಸಿದಾಗ ವಿಜ್ಞಾನಿಗಳು ಕೇವಲ ತಾಯಿಯಿಂದ ಜನಿಸಿದ ಎರಡು ಗಂಡು ಹಕ್ಕಿಗಳನ್ನು ಪತ್ತೆ ಹಚ್ಚಿದ್ದಾರೆ. ಹಾಗೆಂದು ಈ ರೀತಿಯ ಸಂತಾ ನೋತ್ಪತ್ತಿ ಇದೇ ಮೊದಲೇನಲ್ಲ. ಅಳಿವಿನಂಚಿನಲ್ಲಿ­ರುವ ಕೆಲವು ಪ್ರಾಣಿ, ಪಕ್ಷಿಗಳಲ್ಲಿ ಇದು ನಿಸರ್ಗವೇ ದಯಪಾಲಿಸಿ ರುವ ಒಂದು ಸಂತಾನೋತ್ಪತ್ತಿ ಸೌಲಭ್ಯ ಎಂದು ವಿಜ್ಞಾನಿಗಳು ತಿಳಿಸಿದ್ದಾರೆ.

ಪಾರ್ಥೋಜೆನಿಸಿಸ್‌ನಿಂದ ಇದು ಸಾಧ್ಯ!: ಸಾಮಾನ್ಯ­ವಾಗಿ ಜೀವಿಗಳಲ್ಲಿ ಲೈಂಗಿಕ ಸಂಪರ್ಕಾಧಾರಿತ (ಸೆಕ್ಸು­ವಲ್‌), ಅಲೈಂಗಿಕಾಧಾರಿತ (ಅಸ್ಸೆಕ್ಸುವಲ್‌) ಗರ್ಭ­ಧಾರಣೆ ವ್ಯವಸ್ಥೆಯಿದೆ. ಮೇಲಿನ ಎರಡೂ ಕ್ರಮಗಳಲ್ಲಿ, ಹೆಣ್ಣಿನ ಅಂಡಾಣು ಹಾಗೂ ಗಂಡಿನ ವೀರ್ಯಾಣು ಸಮ್ಮಿಲನ­ಗೊಂಡು ಭ್ರೂಣವಾಗಿ, ಆನಂತರ ಜೀವಿ­ಯಾಗಿ ಮಾರ್ಪಾಡಾಗುತ್ತದೆ. ಲೈಂಗಿಕತೆ­­ಯಿಲ್ಲದ ಸಂತಾ­ನೋತ್ಪತ್ತಿಯಲ್ಲಿ ಪಾಥೋì­ಜೆನಿ­­­­ಸಿಸ್‌ ಎಂಬ ಮತ್ತೂಂದು ಬಗೆಯಿದೆ. ಇಲ್ಲಿ ಹೆಣ್ಣಿನ ಅಂಡಾಣು ತನ್ನಿಂತಾನೇ ಭ್ರೂಣವಾಗಿ ಬದಲಾಗಿ, ಅನಂತರ ಜೀವಿಯಾಗುತ್ತದೆ. ಕ್ಯಾಲಿಫೋರ್ನಿಯಾ ಕಾಂಡರ್ಸ್‌ಗಳ ವಿಚಾರದಲ್ಲೂ ಹಾಗೇ ಆಗಿದೆ.