ಮಲೇಷ್ಯಾ ಚುನಾವಣೆ: ಫ‌ಲಿತಾಂಶ ಅತಂತ್ರ

ಕೌಲಾಲಂಪುರ: ಮಲೇಷ್ಯಾದಲ್ಲಿ ಚುನಾವಣೆ ಪೂರ್ಣಗೊಂಡು, ಫ‌ಲಿತಾಂಶ ಹೊರಬಿದಿದ್ದು, ಯಾವುದೇ ಒಂದು ಬಣಕ್ಕೆ ಸ್ಪಷ್ಟ ಬಹುಮತ ಬಂದಿಲ್ಲ. ಹೀಗಾಗಿ ಅಲ್ಲಿ ಅತಂತ್ರ ರಾಜಕೀಯ ಸ್ಥಿತಿ ನಿರ್ಮಾಣವಾಗಿದೆ.

ಸರ್ಕಾರ ರೂಪಿಸಲು ಬಹುಮತಕ್ಕೆ 112 ಸ್ಥಾನಗಳು ಬೇಕಾಗಿವೆ. ಆದರೆ ಪ್ರತಿಪಕ್ಷ ನಾಯಕ ಅನ್ವರ್‌ ಇಬ್ರಾಹಿಂ ಅವರ ಬಣಕ್ಕೆ 82 ಸೀಟುಗಳು ಲಭ್ಯವಾದರೆ, ಮಾಜಿ ಪ್ರಧಾನಿ ಮುಯಿದ್ದೀನ್‌ ಯಾಸಿನ್‌ ಅವರ ಬಣಕ್ಕೆ 73 ಸ್ಥಾನಗಳು ದೊರೆತಿವೆ. ಇನ್ನೊಂದೆಡೆ, ಬೊರ್ನಿಯೊ ದ್ವೀಪದ ಎರಡು ರಾಜ್ಯಗಳಲ್ಲಿ ಇತರೆ ಬಣಗಳು 28 ಸ್ಥಾನಗಳನ್ನು ಗೆದಿದ್ದು, ಇವು ಯಾಸಿನ್‌ ಅವರಿಗೆ ಬೆಂಬಲ ಸೂಚಿಸಿವೆ.

ಆದರೂ ಬಹುಮತಕ್ಕೆ ಬೇಕಾದ ಸ್ಥಾನಗಳು ಯಾಸಿನ್‌ ಬಣದ ಬಳಿ ಇಲ್ಲ. ಹೀಗಾಗಿ ಅಂತಂತ್ರ ಸ್ಥಿತಿ ನಿರ್ಮಾಣವಾಗಿದೆ.