ಸ್ವಿಸ್‌ನಲ್ಲಿ 300 ಕೋಟಿ 

ಜೂರಿಚ್‌: ಸ್ವಿಜರ್ಲೆಂಡ್‌ನ‌ಲ್ಲಿ ಭಾರತೀಯರ 300 ಕೋಟಿ ರೂ. ಇದ್ದು, ಇದಕ್ಕೆ ಯಾವುದೇ ವಾರಸುದಾರರೇ ಇಲ್ಲ. ಆರು ಖಾತೆಗಳಲ್ಲಿ ಈ ಮೊತ್ತವಿದ್ದು 2015ರಿಂದಲೂ ಯಾರೂ ಈ ಖಾತೆ ತಮ್ಮದು ಎಂದು ಹೇಳಿಕೊಂಡಿಲ್ಲ. ಈ ಪೈಕಿ ಮೂವರು ಭಾರತೀಯರಾಗಿದ್ದು, ಭಾರತದ ವಿಳಾಸವನ್ನೇ ನೀಡಲಾಗಿದೆ. ಇತರ ಮೂವರು ಭಾರತೀಯ ಮೂಲದವರಾಗಿದ್ದು, ಪ್ಯಾರಿಸ್‌, ಲಂಡನ್‌ ವಿಳಾಸ ನೀಡಲಾಗಿದೆ. ಮುಂಬಯಿಯ ಪಿಯರೆ ವಾಚೆಕ್‌ ಮತ್ತು ಬೆರ್ನೆಟ್‌ ರೋಸ್‌ಮೆರಿ ಹಾಗೂ ಡೆಹ್ರಾಡೂನ್‌ನ ಬಹಾದುರ್‌ ಚಂದ್ರ ಸಿಂಗ್‌, ಲಂಡನ್‌ನ ಸುಚಾ ಯೋಗೇಶ್‌ ಪ್ರಭುದಾಸ್‌, ಪ್ಯಾರಿಸ್‌ನ ಡಾ| ಮೋಹನ್‌ ಲಾಲ್‌ ಮತ್ತು ಕಿಶೋರ್‌ ಲಾಲ್‌ ಎಂದು ಬ್ಯಾಂಕ್‌ ದಾಖಲೆಯಲ್ಲಿ ನಮೂದಿಸಲಾಗಿದೆ.