ನಿಮ್ಮನ್ನೇ ಮದುವೆಯಾಗುತ್ತೇನೆ: ʼಮೈನಾʼ ಬೆಡಗಿಗೆ ಮಾನಸಿಕ ಕಿರುಕುಳ ನೀಡಿದ ಯೂಟ್ಯೂಬರ್!

ಬೆಂಗಳೂರು : ʼಮೈನಾʼ ಬೆಡಗಿ ನಿತ್ಯಾ ಮೆನನ್‌ ಕೆಲ ದಿನಗಳ ಹಿಂದೆ ಮದುವೆ ಸುದ್ದಿಯಿಂದ ಚರ್ಚೆಯಲ್ಲಿದ್ದರು. ಈ ಕುರಿತು ಸ್ಪಷ್ಟನೆ ಕೊಟ್ಟಿದ್ದ ಅವರು, ಈಗ ವದಂತಿ ಹಿಂದಿನ ವಿಷಯದ ಬಗ್ಗೆ ಮಾತಾನಾಡಿದ್ದಾರೆ.

ನಿತ್ಯಾ ಮದುವೆಯ ಸುದ್ದಿ ಎಲ್ಲೆಡೆ ವೈರಲ್‌ ಆಗಿತ್ತು. ಆದರೆ ಈ ಸುದ್ದಿ ಸತ್ಯಕ್ಕೆ ದೂರವಾಗಿದ್ದು, ಸದ್ಯಕ್ಕೆ ತಾನು ಮದುವೆ ಆಗುತ್ತಿಲ್ಲ. ಆ ಬಗ್ಗೆ ಯಾವ ಯೋಚನೆಯೂ ಇಲ್ಲ ಎಂದು ಹೇಳಿ ಸುಳ್ಳು ಸುದ್ದಿಗೆ ಅಂತ್ಯ ಹಾಡಿದ್ದರು.

ಬಹುಭಾಷಾ ನಟಿ ನಿತ್ಯಾ ಮೆನನ್‌ ಅವರ ಮದುವೆಯ ವದಂತಿಯನ್ನು ಯಾರು ಹಬ್ಬಿಸಿದ್ದಾರೆ ಎನ್ನವುದನ್ನು ನಟಿ ಸ್ವತಃ ತಾವೇ ರಿವೀಲ್‌ ಮಾಡಿದ್ದಾರೆ. ಅವರು 19(1) ಚಿತ್ರದ ಕಾರ್ಯಕ್ರಮದ ವೇಳೆ ಈ ಬಗ್ಗೆ ಮಾತಾನಾಡಿದ್ದಾರೆ.

ಕೇರಳದ ಯೂಟ್ಯೂಬ್‌ ಚಾನೆಲ್‌ ವೊಂದರ ಸಿನಿಮಾ ವಿಮರ್ಶಕ ಸಂತೋಷ್‌ ವರ್ಕಿ ಎಂಬಾತ  ಮದುವೆಯ ವಿಷಯದ ಬಗ್ಗೆ ಮಾನಸಿಕವಾಗಿ ಕಿರುಕುಳ ನೀಡುತ್ತಿದ್ದ ಎಂದು ನಿತ್ಯಾ ಹೇಳಿದ್ದಾರೆ.

ಇದನ್ನೂ ಓದಿ: ಟೀಸರ್‌ ನಲ್ಲಿ ‘ಸೈರನ್‌’ ಸೌಂಡ್‌: ಬೆಳ್ಳಿತೆರೆಗೆ ನವನಟ ಪ್ರವೀರ್‌ ಶೆಟ್ಟಿ ಎಂಟ್ರಿ

ಯೂಟ್ಯೂಬರ್‌ ಒಬ್ಬ ತನ್ನನ್ನು ಮದುವೆಯಾಗುವಂತೆ ಪ್ರತಿದಿನ ಹೇಳುತ್ತಿದ್ದ, ಮೊದಲಿಗೆ ಅಷ್ಟಾಗಿ ವಿಷಯವನ್ನು ಗಂಭೀರವಾಗಿ ತೆಗೆದುಕೊಳ್ಳಲಿಲ್ಲ. ಆದರೆ ಆತ ನಿತ್ಯಾ ಹಾಗು ನಾನು ಪ್ರೀತಿಸುತ್ತಿದ್ದೇವೆ. ಮದುವೆಯಾಗುತ್ತೇವೆ ಎನ್ನುವುದನ್ನು ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡು, ಬಹಿರಂಗವಾಗಿ ಹೇಳಿಕೊಂಡಿದ್ದ. ಈತನ ವರ್ತನೆ ಅತಿಯಾಯಿತೆಂದು ದೂರು ನೀಡಲು ಹಲವರು ನನಗೆ ಹೇಳಿದ್ದರೂ ಆತನ ಭವಿಷ್ಯದ ದೃಷ್ಟಿಯಿಂದ ನಾನು ದೂರು ಕೊಟ್ಟಿರಲಿಲ್ಲ ಎಂದು ನಟಿ ಹೇಳಿದ್ದಾರೆ.

ಕೆಲ ದಿನಗಳ ಬಳಿಕ ಆತ ಕರೆ ಮಾಡಿ ಮದುವೆಯಾಗುವಂತೆ ಪೀಡಿಸಲು ಶುರು ಮಾಡಿದ, ಈ ಕಿರುಕುಳದಿಂದ ಆತನ ನಂಬರ್‌ ಬ್ಲಾಕ್‌ ಮಾಡಿದೆ. ಆದರೆ ಆತ ಮತ್ತೆ ಬೇರೆ ನಂಬರ್‌ ನಿಂದ ಕಾಲ್‌ ಮಾಡುತ್ತಿದ್ದ. ಒಟ್ಟು 30 ನಂಬರ್‌ ಗಳಿಂದ ಆತ ಕಾಲ್‌ ಮಾಡುತ್ತಿದ್ದ. ಆತನ ಎಲ್ಲಾ ನಂಬರ್‌ ನ್ನು ಬ್ಲಾಕ್‌ ಮಾಡಿದ್ದು, ಈತನ ಟಾರ್ಚರ್‌ ನಿಂದ ಬೇಸತ್ತು ದೂರು ನೀಡಲು ನಿರ್ಧರಿಸಿದ್ದೇನೆ ಎಂದು ನಟಿ ಹೇಳಿದ್ದಾರೆ. ಕನ್ನಡದಲ್ಲಿ ʼಜೋಶ್‌, ʼಮೈನಾʼ,ʼಕೋಟಿಗೊಬ್ಬ-2ʼ, ಚಿತ್ರದಲ್ಲಿ ನಟಿಸಿದ್ದಾರೆ. ಸದ್ಯ ಅವರ ʼ 19(1)ʼ ಬಿಡುಗಡೆಯಾಗಿದೆ.