ನೀರವ್ ಮೋದಿ ಜಾಮೀನು ಅರ್ಜಿ ಮತ್ತೆ ತಿರಸ್ಕೃತ: ಬ್ರಿಟನ್ ಜೈಲಿನಲ್ಲಿರುವ ವಜ್ರ ವ್ಯಾಪಾರಿ

ಲಂಡನ್ : ಬಹುಕೋಟಿ ರೂಪಾಯಿ ಹಗರಣಗಳ ಆರೋಪಿ ನೀರವ್ ಮೋದಿ ಸಲ್ಲಿಸಿರುವ ಜಾಮೀನು ಅರ್ಜಿಯನ್ನು ಬ್ರಿಟನ್ ಹೈಕೋರ್ಟ್ ತಿರಸ್ಕರಿಸಿದೆ.

ಗುಜರಾತ್ ಮೂಲದ ವಜ್ರದ ವ್ಯಾಪಾರಿ ನೀರವ್ ಮೋದಿ ಬ್ರಿಟನ್ ನಲ್ಲಿ ಸೆರೆವಾಸದಲ್ಲಿದ್ಧಾರೆ. ಅಂದ ಹಾಗೆ ಮೋದಿ ಸಲ್ಲಿಸಿರುವ ಎಲ್ಲಾ ಐದು ಜಾಮೀನು ಅರ್ಜಿಗಳು ವಜಾ ಆಗಿದೆ.

ಪಂಜಾಬ್ ನ್ಯಾಷನಲ್ ಬ್ಯಾಂಕ್ (ಪಿಎನ್ ಬಿ) ನ ಬಹುಕೋಟಿ ಸಾಲ ವಂಚನೆ ಪ್ರಕರಣದಲ್ಲಿ ನೀರವ್ ಮೋದಿ ಮತ್ತು ಆತನ ಸಂಬಂಧಿ ಮೆಹುಲ್ ಚೋಕ್ಸಿ ಭಾಗಿಯಾಗಿದ್ದರು. ಆದರೆ ಭಾರತದಲ್ಲಿ ಪೊಲೀಸರ ಕಣ್ಣು ತಪ್ಪಿಸಿ ವಿದೇಶಕ್ಕೆ ಪರಾರಿಯಾಗಿದ್ದರು.

ಸದ್ಯ ನೀರವ್ ಮೋದಿ ವ್ಯಾಂಡ್ಸ್ ವರ್ಥ್ ಜೈಲಿನಲ್ಲಿದ್ದು, ಭಾರತದ ಗಡಿಪಾರಿಗೆ ಪ್ರಯತ್ನಗಳು ನಡೆಯುತ್ತಿದೆ.