ನೀರವ್‌ ಮೋದಿ ಜೈಲನ್ನು 14 ದಿನದೊಳಗೆ ತಿಳಿಸಿ : ಭಾರತಕ್ಕೆ ಬ್ರಿಟನ್‌ ಕೋರ್ಟ್‌

ಲಂಡನ್‌ : ದೇಶಭ್ರಷ್ಟ ವಜ್ರಾಭರಣ ಉದ್ಯಮಿ ನೀರವ್‌ ಮೋದಿ ಗಡೀಪಾರು ಪ್ರಕರಣದ ವಿಚಾರಣೆ ನಡೆಸುತ್ತಿರುವ ಬ್ರಿಟನ್‌ ನ್ಯಾಯಾಲಯ ಮುಂದಿನ ವಿಚಾರಣೆಯನ್ನು ಜೂನ್‌ 27ಕ್ಕೆ ನಿಗದಿಸಿದೆ.

48ರ ಹರೆಯದ ನೀರವ್‌ ಮೋದಿಯನ್ನು ಭಾರತಕ್ಕೆ ಗಡೀಪಾರು ಮಾಡಲಾದಲ್ಲಿ ಆತನನ್ನು ಯಾವ ಜೈಲಿನಲ್ಲಿ ಇಡಲಾಗುವುದು ಎಂಬುದನ್ನು 14 ದಿನಗಳ ಒಳಗೆ ದೃಢಪಡಿಸುವಂತೆ ಬ್ರಿಟನ್‌ ನ್ಯಾಯಾಲಯ ಭಾರತ ಸರಕಾರಕ್ಕೆ ನಿರ್ದೇಶ ನೀಡಿದೆ.

ಪಂಜಾಬ್‌ ನ್ಯಾಶನಲ್‌ ಬ್ಯಾಂಕಿಗೆ 13,000 ಕೋಟಿ ರೂ. ವಂಚಿಸಿ ವಿದೇಶಕ್ಕೆ ಪಲಾಯನ ಮಾಡಿರುವ ಬಿಲಿಯಾಧಿಪತಿ ವಜ್ರಾಭರಣ ಉದ್ಯಮಿ ನೀರವ್‌ ಮೋದಿ ಯನ್ನು ವೆಸ್ಟ್‌ಮಿನ್‌ಸ್ಟರ್‌ ಮ್ಯಾಜಿಸ್ಟ್ರೇಟ್‌ ಕೋರ್ಟಿನ ಮುಖ್ಯ ಮ್ಯಾಜಿಸ್ಟ್ರೇಟ್‌ ಎಮಾ ಆರ್ಬಟ್‌ನಾಟ್‌ ಅವರ ಮುಂದೆ ಗರುವಾರ ಹಾಜರುಪಡಿಸಲಾಯಿತು.