‘ನಿನ್ನ ಸನಿಹಕೆ’ – ಹೀಗೊಂದು ಸಿನಿಮಾದ ಹೆಸರನ್ನು ನೀವು ಕೇಳಿರಬಹುದು. ಈಗ ಚಿತ್ರ ಬಿಡುಗಡೆಯ ಹಂತಕ್ಕೆ ಬಂದಿದ್ದು, ಚಿತ್ರ ಏಪ್ರಿಲ್‌ 16ರಂದು ತೆರೆಕಾಣುತ್ತಿದೆ. ಮೊದಲ ಹಂತವಾಗಿ ಚಿತ್ರದ ಹಾಡೊಂದು ಬಿಡುಗಡೆಯಾಗಿದ್ದು, ಎಲ್ಲೆಡೆಯಿಂದ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.
ರಘು ದೀಕ್ಷಿತ್‌ ಸಂಗೀತ ಸಂಯೋಜಿಸಿರುವ “ದಿ ಸೌಂಡ್‌ ಆಫ್ ಕೆಯಾಸ್‌’ ಹಾಡು ಬಿಡುಗಡೆಯಾಗಿದೆ. ವಾಸುಕಿ ವೈಭವ್‌ ಸಾಹಿತ್ಯ ಈ ಹಾಡಿಗಿದೆ. ಹೀರೋ ಲವ್‌ ಫೆಲ್ಯೂರ್‌ ಹಿನ್ನೆಲೆಯಲ್ಲಿ ಬರುವ ಹಾಡು ಇದಾಗಿದ್ದು, ಹೊಸ ಬಗೆಯಿಂದ ಕೂಡಿದೆ. ಸೂರಜ್‌ ಗೌಡ ಈ ಚಿತ್ರದ ಹೀರೋ. ಜೊತೆಗೆ ನಿರ್ದೇಶನ ಕೂಡಾ ಇವರದೇ. ಧನ್ಯಾ ರಾಮ್‌ ಕುಮಾರ್‌ ನಾಯಕಿ.
ಇದನ್ನೂ ಓದಿ:‘ರಣಂ’ ಹೋರಾಟ ನನ್ನ ಮನಮುಟ್ಟಿದ ಕಥೆ- ಚೇತನ್
ಇದೊಂದು ಬ್ಯೂಟಿಫ‌ುಲ್‌ ಲವ್‌ಸ್ಟೋರಿ ಹೊಂದಿರುವ ಚಿತ್ರ. ಮನರಂಜನಾತ್ಮಕ ಅಂಶಗಳಿರುವ ಚಿತ್ರ ಇದಾಗಲಿದೆ. ವಿನಾಕಾರಣ ಇಲ್ಲಿ ಬಿಲ್ಡಪ್ಸ್‌ಗಳಿಲ್ಲ. ಸಿನಿಮಾ ನೋಡಿದವರಿಗೆ ಇದು ಎಲ್ಲೋ ನೋಡಿದ, ಕೇಳಿದ ಲವ್‌ಸ್ಟೋರಿ ಎನಿಸುವಷ್ಟರ ಮಟ್ಟಿಗೆ ಚಿತ್ರ ಮೂಡಿಬಂದಿದೆ ಎನ್ನುವುದು ಸೂರಜ್‌ ಮಾತು.
ಅಂದಹಾಗೆ, “ನಿನ್ನ ಸನಿಹಕೆ ‘ ಚಿತ್ರವನ್ನು “ವೈಟ್‌ ಅಂಡ್‌ ಗ್ರೇ ಮೀಡಿಯಾ’ ಸಂಸ್ಥೆ ನಿರ್ಮಾಣ ಮಾಡುತ್ತಿದೆ. ಈ ನಿರ್ಮಾಣ ಸಂಸ್ಥೆಗೆ ಚಿತ್ರರಂಗ ಹೊಸದಲ್ಲ. ಈಗಾಗಲೇ ಬಾಲಿವುಡ್‌ನ ಹಲವು ಸಿನಿಮಾಗಳ ಮಾರುಕಟ್ಟೆ ಮಾಡಿದ ಅನುಭವ ಈ ಸಂಸ್ಥೆಗಿದೆ. ಶೀಘ್ರದಲ್ಲೇ ಚಿತ್ರದ ಟ್ರೇಲರ್‌ ಬಿಡುಗಡೆಯಾಗಲಿದೆ. ಚಿತ್ರ ಕೆ.ಆರ್‌.ಜಿ.ಸ್ಟುಡಿಯೋ ಮೂಲಕ ರಿಲೀಸ್‌ ಆಗಲಿದೆ
