Dance Music Video: ಆಲ್ಬಂನಲ್ಲಿ ನಿಲ್ಲಬೇಡ!: ಯುವ ಪ್ರತಿಭೆ ಕನಸಿದು

ಇತ್ತೀಚೆಗೆ ಅನೇಕ ಕಲಾವಿದರು ಮ್ಯೂಸಿಕ್‌ ಆಲ್ಬಂಗಳ ಮೂಲಕ ತಮ್ಮ ಪ್ರತಿಭೆ ಪ್ರದರ್ಶಿಸಲು ಮುಂದಾಗು ತ್ತಿದ್ದಾರೆ. ಈಗ ಅಂಥದ್ದೇ ಒಂದು ಡ್ಯಾನ್ಸ್‌ ಮ್ಯೂಸಿಕ್‌ ಆಲ್ಬಂ ಇತ್ತೀಚೆಗೆ ಬಿಡುಗಡೆಗೊಂಡಿದೆ.

ಉತ್ತರ ಕರ್ನಾಟಕದ ಯುವ ಪ್ರತಿಭೆ ಸುನಿಧಿ ನಿಲೋಪಂತ್‌, “ನಿಲ್ಲಬೇಡ’ ಎಂಬ ಡ್ಯಾನ್ಸ್‌ ಆಲ್ಬಂನಲ್ಲಿ ಸಖತ್‌ ಆಗಿ ಹೆಜ್ಜೆ ಹಾಕಿದ್ದಾರೆ.

ಅಭಿಷೇಕ್‌ ಮಠದ್‌ ನಿರ್ದೇಶಿಸಿರುವ ಈ ಆಲ್ಬಂಗೆ, ಚಂದನ್‌ ಶೆಟ್ಟಿ ಸಂಗೀತ ಸಂಯೋಜಿಸಿ, ಹಾಡಿದ್ದಾರೆ ಕೂಡ. ಸುನಿಧಿ ಅವರ ಅಜ್ಜಿ ಪ್ರತಿಭಾ ನಿಲೋಪಂತ್‌ ಆಲ್ಬಂಗೆ ಹಣ ಹೂಡಿದ್ದಾರೆ. “ಕಪ್‌ ಗೆಲ್ಲೊದು ಮುಖ್ಯ ಅಲ್ಲ. ಮನಸ್ಸುಗಳನ್ನು ಗೆಲ್ಲೊದು ಮುಖ್ಯ’ ಎಂಬ ಪ್ರೇರಣೆಯ ಸಂದೇಶ ಈ ಆಲ್ಬಂ ನೀಡುತ್ತದೆ. ಆಲ್ಬಂನಲ್ಲಿ ಹರಿಣಿ ಶ್ರೀಕಾಂತ್‌, ಅನುಪ್ರಭಾಕರ್‌, ಆಸ್ಗರ್‌, ಶಶಿ ಮಾಸ್ಟರ್‌, ಅಭಿಷೇಕ್‌ ಮಠದ್‌ ನಟಿಸಿದ್ದಾರೆ.

ನಿರ್ಮಾಪಕ ಸಂಘದ ಅಧ್ಯಕ್ಷ ಉಮೇಶ್‌ ಬಣಕಾರ್‌, ನಟ ನವೀನ್‌ ಶಂಕರ್‌ ಆಲ್ಬಂ ಬಿಡುಗಡೆ ಗೊಳಿಸಿ ಮಾತನಾಡಿದರು. ಆನಂದ್‌ ಆಡಿಯೋ ಯೂಟ್ಯೂಬ್‌ ಚಾನಲ್‌ ನಲ್ಲಿ ಈ ಆಲ್ಬಂ ವೀಕ್ಷಿಸಬಹುದು.