ಒಡಿಶಾದಲ್ಲಿ ‘ಅಗ್ನಿ ಪ್ರೈಮ್‌’ ಕ್ಷಿಪಣಿ ರಾತ್ರಿ ಉಡಾವಣೆ ಯಶಸ್ವಿ

ಹೊಸದಿಲ್ಲಿ: ಒಡಿಶಾ ಕರಾವಳಿಯ ಅಬ್ದುಲ್‌ ಕಲಾಂ ದ್ವೀಪದಲ್ಲಿ ಹೊಸ ಪೀಳಿಗೆಯ ಪರಮಾಣು ಸಾಮರ್ಥ್ಯದ ಖಂಡಾಂತರ ಕ್ಷಿಪಣಿ “ಅಗ್ನಿ ಪ್ರೈಮ್‌’ ರಾತ್ರಿ ಉಡಾವಣೆಯನ್ನು ಭಾರತ ಯಶಸ್ವಿಯಾಗಿ ನಡೆಸಿದೆ. ಈ ಮೂಲಕ ದೇಶದ ಶತ್ರು ನಿಗ್ರಹ ಸಾಮರ್ಥಯ ಮತ್ತಷ್ಟು ಬಲಿಷ್ಠವಾಗಿದೆ. ಬುಧವಾರ ರಾತ್ರಿ ಈ ಪರೀಕ್ಷಾರ್ಥ ಉಡವಾಣೆ ನಡೆಸಲಾಯಿತು. ಡಿಆರ್‌ಡಿಒ ಸಹಯೋಗದೊಂದಿಗೆ ಭಾರತೀಯ ಸೇನೆಯ ಕಾರ್ಯತಂತ್ರ ಕಮಾಂಡೊ ಪಡೆ(ಎಸ್‌ಎಫ್ಸಿ) ಈ ಉಡಾವಣೆ ಕೈಗೊಂಡಿತು. ಈ ಕ್ಷಿಪಣಿಯು 1,000-2,000 ಕಿ.ಮೀ. ವರೆಗಿನ ಗುರಿಯನ್ನು ಭೇದಿಸುವ ಸಾಮರ್ಥ್ಯ ಹೊಂದಿದೆ. “ಅಗ್ನಿ ಪ್ರೈಮ್‌’ ರಾತ್ರಿ ಉಡಾವಣೆಯನ್ನು ಯಶಸ್ವಿಯಾಗಿ ಕೈಗೊಂಡ ಎಸ್‌ಎಫ್ಸಿ ಮತ್ತು ಡಿಆರ್‌ಡಿಒಗೆ ರಕ್ಷಣ ಸಚಿವ ರಾಜನಾಥ್‌ ಸಿಂಗ್‌ ಅಭಿನಂದಿಸಿದರು.