NIAಯಿಂದ ರಾಯಭಾರ ಕಚೇರಿಗಳ ಮೇಲೆ ದಾಳಿ: 43 ಶಂಕಿತರ ಪತ್ತೆ

ಹೊಸದಿಲ್ಲಿ: ಅಮೆರಿಕ, ಬ್ರಿಟನ್‌ ಹಾಗೂ ಕೆನಡಾದಲ್ಲಿರುವ ಭಾರತೀಯ ರಾಯ­ಭಾರ ಕಚೇರಿಗಳ ಮೇಲೆ ನಡೆದ ದಾಳಿ­ಗಳಿಗೆ ಸಂಬಂಧಿಸಿದಂತೆ 43 ಶಂಕಿತರನ್ನು ರಾಷ್ಟ್ರೀಯ ತನಿಖಾ ಸಂಸ್ಥೆ ಪತ್ತೆ ಮಾಡಿದೆ ಎಂದು ಮೂಲಗಳು ತಿಳಿಸಿವೆ.

ರಾಯಭಾರ ಕಚೇರಿಗಳ ಮೇಲಿನ ದಾಳಿಯ ವಿಚಾರಣೆಯನ್ನು ಕೇಂದ್ರ ಗೃಹ ಸಚಿವಾಲಯದ ಆದೇಶದ ಬಳಿಕ 2023ರ ಜೂನ್‌ನಲ್ಲಿ ಎನ್‌ಐಎ ಕೈಗೆತ್ತಿಕೊಂಡಿದೆ. ಆ ಬಳಿಕ ಪ್ರಕರಣ ಸಂಬಂಧ ಭಾರತದಲ್ಲೂ 50 ಶೋಧ ಕಾರ್ಯಾಚರಣೆಗಳನ್ನು ನಡೆಸ­ಲಾ­ಗಿದ್ದು, 80ಕ್ಕೂ ಅಧಿಕ ಮಂದಿಯನ್ನು ವಿಚಾ­ರಣೆ ನಡೆಸಿದೆ. ಅಲ್ಲದೇ, ರಾಯಭಾರ ಕಚೇ­ರಿಯ ದಾಳಿಗಳಿಗೆ ಸಂಬಂಧಿಸಿದ ಕೆಲವು ಸಿಸಿಟಿವಿ ವೀಡಿಯೋಗಳನ್ನು ಎನ್‌ಐಎ ಬಿಡು­ಗಡೆ­ಗೊಳಿಸಿ, ದುಷ್ಕರ್ಮಿಗಳನ್ನು ಸೆರೆ ಹಿಡಿ­ ಯಲು ಸಾರ್ವಜನಿಕರ ಸಹಾಯ ಕೋರಿತ್ತು. ಇದೀಗ ಜನರು ನೀಡಿರುವಮಾಹಿ­ತಿಗಳನ್ನೇ ಆಧರಿಸಿ 43 ಶಂಕಿತರನ್ನು ಗುರು­­ತಿಸಲಾಗಿದೆ ಎಂದು ಮೂಲಗಳು ಹೇಳಿವೆ.
2023ರ ಮಾರ್ಚ್‌ ಮತ್ತು ಜುಲೈಯಲ್ಲಿ ಭಾರತದ ರಾಯಭಾರ ಕಚೇರಿಗಳನ್ನು ಗುರಿಯಾಗಿಸಿಕೊಂಡು ದಾಳಿ ನಡೆದಿತ್ತು. ಮಾ.19ರಂದು ಲಂಡನ್‌ನಲ್ಲಿರುವ ರಾಯಭಾರ ಕಚೇರಿ ಮೇಲೆ ಖಲಿಸ್ಥಾನಿ ಉಗ್ರರು 2 ಪ್ರತ್ಯೇಕ ದಾಳಿ ನಡೆಸಿದ್ದರು. ಜು.12ರಂದು ಸ್ಯಾನ್‌ ಫ್ರಾನ್ಸಿಸ್ಕೋದಲ್ಲಿ ಇದೇ ಮಾದರಿಯ ದಾಳಿ ನಡೆದಿತ್ತು. ಕೆನಡಾದಲ್ಲಿ ಪ್ರತಿಭಟನೆ ವೇಳೆ ಖಲಿಸ್ಥಾನಿ ಪರ ಪ್ರತಿಭಟನಕಾರರು ಭಾರತದ ಹೈಕಮಿಷನ್‌ ಮೇಲೆ ಗ್ರೆನೇಡ್‌ ದಾಳಿಯನ್ನೂ ನಡೆಸಿದ್ದರು.