ಪಾಕ್ ಉಗ್ರರ ಜೊತೆ ನಂಟು: ಕರ್ನಾಟಕ ಸೇರಿ 10 ಕಡೆ ಎನ್ಐಎ ದಾಳಿ, ಐವರ ಬಂಧನ

ಹೊಸದಿಲ್ಲಿ: ಪಾಕಿಸ್ಥಾನಿ ಉಗ್ರರ ಜೊತೆ ನಂಟು ಹೊಂದಿದ್ದ ಹಿನ್ನೆಲೆಯಲ್ಲಿ ಎನ್ ಐಎ ಅಧಿಕಾರಿಗಳು ದೇಶದ ಹತ್ತು ಕಡೆ ದಾಳಿ ನಡೆಸಿದ್ದು, ಐವರನ್ನು ಸೆರೆ ಹಿಡಿಯಲಾಗಿದೆ.

ದಿಲ್ಲಿ, ಕರ್ನಾಟಕ ಮತ್ತು ಕೇರಳ ಸೇರಿದಂತೆ ದೇಶದ 10 ಕಡೆ ಸೋಮವಾರ ಎನ್ ಐಎ ಅಧಿಕಾರಿಗಳು ದಾಳಿ ನಡೆಸಿದ್ದಾರೆ ಎಂದು ವರದಿ ತಿಳಿಸಿದೆ. 48 ಗಂಟೆಗಳ ಹಿಂದೆ ದಾಖಲಿಸಿಕೊಂಡ ಪ್ರಕರಣವೊಂದರ ಜಾಡು ಹಿಡಿದ ಎನ್ಐಎ ಅಧಿಕಾರಿಗಳು ಈ ದಾಳಿ ನಡೆಸಿದ್ದಾರೆ.

ಇದನ್ನೂ ಓದಿ:BSY ನಂತರ ಪಕ್ಷ ಸಮರ್ಥವಾಗಿ ಮುನ್ನಡೆಸುವವರಿಗಾಗಿ BJP ಹುಡುಕಾಟ: ಪಟ್ಟಿಯಲ್ಲಿದೆ ಹಲವು ಹೆಸರು

ದಾಳಿಯಲ್ಲಿ ಇದುವರೆಗೆ ಐವರನ್ನು ಬಂಧಿಸಲಾಗಿದೆ ಎಂದು ವರದಿಯಾಗಿದೆ. ಈ ಯುವಕರನ್ನು ಪಾಕಿಸ್ಥಾನವು ಸಾಮಾಜಿಕ ಜಾಲತಾಣಗಳು ಮೂಲಕ ಸಂಪರ್ಕಿಸಿತ್ತು. ಆನ್ ಲೈನ್ ಮೂಲಕವೇ ಅವರಿಗೆ ತರಬೇತಿ ನೀಡಿ ಸ್ಥಳೀಯವಾಗಿ ದಾಳಿ ಸಂಘಟಿಸಲು ಅವರನ್ನು ತಯಾರಿ ಮಾಡಲಾಗಿತ್ತು ಎನ್ನಲಾಗಿದೆ.