ಕಿರಿಯ ಫ‌ುಟ್ಬಾಲಿಗನ ಮೇಲೆ ನೇಯ್ಮರ್‌ ದರ್ಪ?

ರಿಯೋ ಡಿ ಜನೈರೊ: ಬ್ರೆಜಿಲ್ನ ಖ್ಯಾತ ಫ‌ುಟ್ಬಾಲ್ ತಾರೆ ನೇಯ್ಮರ್‌ ಕ್ರೀಡಾಂಗಣದಲ್ಲಿ ಕಿರಿಯ ಫ‌ುಟ್ಬಾಲಿಗನ ಜತೆ ಅಸಭ್ಯವಾಗಿ ವರ್ತಿಸಿದ್ದಾರೆ. ಇದಕ್ಕೆ ಸಾಕ್ಷಿಯಾಗಿ ವಿಡಿಯೊವೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ತರಬೇತಿ ವೇಳೆ ನೇಯ್ಮರ್‌ ಅಂಡರ್‌ 19 ಫ‌ುಟ್ಬಾಲಿಗನ ಜತೆಗೆ ಚೆಂಡಿನ ಮೇಲೆ ಹಿಡಿತ ಸಾಧಿಸುವುದಕ್ಕಾಗಿ ಪೈಪೋಟಿ ನಡೆಸುತ್ತಾರೆ. ಈ ವೇಳೆ ನೇಯ್ಮರ್‌ ಕಿರಿಯ ಫ‌ುಟ್ಬಾಲಿಗನ ಶರ್ಟ್‌ ಹಿಡಿದು ಕೆಳಕ್ಕೆ ತಳ್ಳುತ್ತಾರೆ. ಸೌಜನ್ಯಕ್ಕಾದರೂ ನೇಯ್ಮರ್‌ ಕ್ಷಮೆಯನ್ನೂ ಕೇಳುವುದಿಲ್ಲ. ಏನೂ ಆಗಿಲ್ಲ ಎನ್ನುವಂತೆ ಮುಂದಕ್ಕೆ ನಡೆಯುತ್ತಾರೆ.