ಮತ್ತೆ ಮೂರಕ್ಕೇರಿದ ನ್ಯೂಜಿಲ್ಯಾಂಡ್‌

ದುಬಾೖ: ಏಕದಿನ ಟೀಮ್‌ ರ್‍ಯಾಂಕಿಂಗ್‌ನಲ್ಲಿ ನ್ಯೂಜಿಲ್ಯಾಂಡ್‌ ಮರಳಿ ಮೂರನೇ ಸ್ಥಾನಕ್ಕೇರಿದೆ. ಪ್ರವಾಸಿ ಬಾಂಗ್ಲಾದೇಶವನ್ನು 3-0 ಅಂತರದಿಂದ ವೈಟ್‌ವಾಶ್‌ ಮಾಡಿದ ಸಾಧನೆಯ ಬಳಿಕ ಕಿವೀಸ್‌ ಈ ಪ್ರಗತಿ ಕಂಡಿದೆ.

ಭಾರತದ ವಿರುದ್ಧ ತವರಿನಲ್ಲೇ 1-4 ಅಂತರದಿಂದ ಸೋಲನುಭವಿಸಿದ ನ್ಯೂಜಿಲ್ಯಾಂಡ್‌ ಒಂದು ಸ್ಥಾನ ಕುಸಿದು ನಾಲ್ಕಕ್ಕೆ ಬಂದು ನಿಂತಿತ್ತು. ಆಗ ದಕ್ಷಿಣ ಆಫ್ರಿಕಾ ಮತ್ತು ನ್ಯೂಜಿಲ್ಯಾಂಡ್‌ ತಲಾ 111 ಅಂಕ ಹೊಂದಿದ್ದವು. ದಶಮಾಂಶ ಲೆಕ್ಕಾಚಾರದಲ್ಲಿ ಆಫ್ರಿಕಾ ಮುಂದಿತ್ತು. ಈಗ ನ್ಯೂಜಿಲ್ಯಾಂಡ್‌ ಅಂಕ 112ಕ್ಕೆ ಏರಿದೆ.

ಇದೇ ವೇಳೆ 0-3 ಅಂತರದಿಂದ ಸರಣಿ ಸೋತ ಬಾಂಗ್ಲಾದೇಶ 3 ಅಂಕ ಕಳೆದುಕೊಂಡಿದೆ. ಆದರೆ 7ನೇ ಸ್ಥಾನ ಕಾಯ್ದುಕೊಳ್ಳುವಲ್ಲಿ ಯಶಸ್ವಿಯಾಗಿದೆ.ಇಂಗ್ಲೆಂಡ್‌ 126 ಅಂಕಗಳೊಂದಿಗೆ ಅಗ್ರಸ್ಥಾನದಲ್ಲಿದ್ದರೆ, ಭಾರತ 122 ಅಂಕಗಳೊಂದಿಗೆ ದ್ವಿತೀಯ ಸ್ಥಾನದಲ್ಲಿ ಉಳಿದಿದೆ.

ಮತ್ತೆ ಮೂರಕ್ಕೇರಿದ ನ್ಯೂಜಿಲ್ಯಾಂಡ್‌
ಏಕದಿನ ಟೀಮ್‌ ರ್‍ಯಾಂಕಿಂಗ್‌
1. ಇಂಗ್ಲೆಂಡ್‌    126
2. ಭಾರತ    122
3. ನ್ಯೂಜಿಲ್ಯಾಂಡ್‌    112
4. ದಕ್ಷಿಣ ಆಫ್ರಿಕಾ    111
5. ಪಾಕಿಸ್ಥಾನ    102
6. ಆಸ್ಟ್ರೇಲಿಯ    100
7. ಬಾಂಗ್ಲಾದೇಶ    90
8. ಶ್ರೀಲಂಕಾ    78
9. ವೆಸ್ಟ್‌ ಇಂಡೀಸ್‌    72
10. ಅಫ್ಘಾನಿಸ್ಥಾನ    67