Triumph: ಹೊಸ ಟ್ರಯಂಫ್ ಸ್ಪೀಡ್‌ 400- ಒಂದು ವೇರಿಯಂಟ್‌, ಮೂರು ಬಣ್ಣಗಳ ಆಯ್ಕೆ

ಟ್ರಯಂಫ್ ಮೋಟಾರ್‌ಸೈಕಲ್‌ ಇಂಡಿಯಾ ಕಂಪನಿಯು ತನ್ನ ಹೊಸ “ಸ್ಪೀಡ್‌ 400′ ಅನ್ನು ಭಾರತದ ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ. ಇತ್ತೀಚೆಗಷ್ಟೇ ಇದನ್ನು ಜಾಗತಿಕ ಮಾರುಕಟ್ಟೆಗೆ ಬಿಡುಗಡೆ ಮಾಡಲಾಗಿತ್ತು.

ಹರ್ಲೆ-ಡೇವಿಡ್‌ಸನ್‌ನ ಎಕ್ಸ್‌440 ಮತ್ತು ರಾಯಲ್‌ ಎನ್‌ಫೀಲ್ಡ್‌ನ ಕ್ಲಾಸಿಕ್‌ 350ಗೆ ಪ್ರತಿಸ್ಪರ್ಧಿಯಾಗಿ ಸ್ಪೀಡ್‌ 400 ಮಾರುಕಟ್ಟೆಗೆ ಪ್ರವೇಶ ಪಡೆದಿದೆ. ಈ ನೂತನ ರೆಟ್ರೋ ಸ್ಟೈಲ್‌ ಮೋಟಾರು ಸೈಕಲ್‌ ಒಂದೇ ವೇರಿಯಂಟ್‌ನಲ್ಲಿ ಮತ್ತು ಮೂರು ಬಣ್ಣಗಳಲ್ಲಿ ಲಭ್ಯವಿರಲಿದೆ.

ಕಾರ್ನಿವಾಲ್‌ ರೆಡ್‌+ಫ್ಯಾಂಟಮ್‌ ಬ್ಲ್ಯಾಕ್‌, ಕ್ಯಾಸ್ಪಿಯನ್‌ ಬ್ಲೂ+ಸ್ಟಾರ್ಮ್ ಗ್ರೇ ಮತ್ತು ಫ್ಯಾಂಟಮ್‌ ಬ್ಲ್ಯಾಕ್‌ + ಸ್ಟಾರ್ಮ್ ಗ್ರೇ ಬಣ್ಣಗಳಲ್ಲಿ ಬೈಕ್‌ ಸಿಗಲಿದೆ. ವೃತ್ತಾಕಾರದ ಹೆಡ್‌ಲೈಟ್‌, ಬಾರ್‌ಎಂಡ್‌ ಮಿರರ್‌, 17 ಇಂಚು ಅಲಾಯ್‌ ವ್ಹೀಲ್‌ ಇರಲಿವೆ. ಎಲ್ಲ ಮೂರು ಬಣ್ಣಗಳ ಬೈಕ್‌ಗಳೂ ಸಮಾನ ಅಂದರೆ 2.33 ಲಕ್ಷ ರೂ. ದರದಲ್ಲಿ ಲಭ್ಯವಿರಲಿದೆ.