New Delhi: ಹಬ್ಬದ ಋತು; ದೇಶದಲ್ಲಿ 4.5 ಲಕ್ಷ ವಾಹನಗಳ ದಾಖಲೆ ಮಾರಾಟ!

ಹೊಸದಿಲ್ಲಿ: ಹಬ್ಬಗಳ ಋತುವಿನಲ್ಲಿ ವಾಹನಗಳ ಖರೀದಿ ಹೆಚ್ಚಳವಾಗಿದ್ದು, ಅಕ್ಟೋಬರ್‌ನಲ್ಲಿ ಆಟೋಮೊಬೈಲ್‌ ಕ್ಷೇತ್ರವು ಉತ್ತಮ ಬೆಳವಣಿಗೆ ಸಾಧಿಸಿದೆ.

4.5 ಲಕ್ಷ ವಾಹನಗಳನ್ನು ಕಳೆದ ತಿಂಗಳು ಮಾರಾಟ ಮಾಡಲಾಗಿದೆ. ಮಾರುತಿ ಸುಜುಕಿಯು ಅಕ್ಟೋಬರ್‌ನಲ್ಲಿ 2ಲಕ್ಷಕ್ಕೂ ಹೆಚ್ಚು ವಾಹನಗಳನ್ನು ಮಾರಾಟ ಮಾಡಿದೆ. 2020-21ರ ಹಣಕಾಸು ವರ್ಷದ ಅಕ್ಟೋಬರ್‌ನಲ್ಲಿ 1.9 ಲಕ್ಷ ಮಾರಾಟ ದೊಂದಿಗೆ ಸಂಸ್ಥೆಯು ಅತೀಹೆಚ್ಚು ಮಾರಾಟದ ದಾಖಲೆ ಮಾಡಿತ್ತು.

ಟಾಟಾ ಮೋಟರ್ ಕಳೆದ ವರ್ಷದ ಅಕ್ಟೋಬರ್‌ಗಿಂತ ಈ ಬಾರಿ ಶೇ.30ರಷ್ಟು ಹೆಚ್ಚಳ ಕಂಡಿದೆ. ಮಂಗಳವಾರದಂದು ಧನ್‌ತೇರಸ್‌ ಪ್ರಯುಕ್ತ ದೇಶದಲ್ಲಿ ದಾಖಲೆ ಮಟ್ಟದ ವಾಹನ ಮಾರಾಟ ಆಗಿದೆ.