Fly91; ವಿಮಾನ ಸಂಚಾರಕ್ಕೆ ಹೊಸ ಸಂಸ್ಥೆ: ಫ್ಲೈ91 ಕಂಪೆನಿಗೆ ಕೇಂದ್ರದ ಅನುಮೋದನೆ

ಮುಂಬಯಿ: ಗೋವಾ ಮೂಲದ ಹೊಸ ವಿಮಾನ ಯಾನ ಸಂಸ್ಥೆ “ಫ್ಲೈ91′ ಬುಧವಾರ ನಾಗರಿಕ ವಿಮಾನಯಾನ ನಿರ್ದೇಶನಾಲಯ(ಡಿಜಿಸಿಎ) ಸಂಚಾರ ಆರಂಭಿಸಲು ಅನುಮತಿ ಪಡೆದಿದೆ.

ಈ ಮೂಲಕ ಡಿಜಿಸಿಎದಿಂದ ಎಒಸಿ ಪಡೆದ 18ನೇ ದೇಶೀಯ ವಿಮಾನಯಾನ ಸಂಸ್ಥೆ ಎಂಬ ಹಿರಿಮೆಗೂ ಪಾತ್ರವಾಗಿದೆ. ಕೇಂದ್ರ ಸರಕಾರದ ಮಹತ್ವದ “ಉಡಾನ್‌’ ಯೋಜನೆಯಡಿ ಈ ವಿಮಾನಯಾನ ಸಂಸ್ಥೆಯು ಆರಂಭಿಕವಾಗಿ ಮಹಾರಾಷ್ಟ್ರದ ಸಿಂಧೂದುರ್ಗ, ಜಲಗಾಂವ್‌, ನಾಂದೇಡ್‌ ಹಾಗೂ ಲಕ್ಷದ್ವೀಪದ ಅಗತ್ತಿ ವಿಮಾನ ನಿಲ್ದಾಣಗಳನ್ನು ಸಂಪರ್ಕಿಸುವುದಾಗಿ ಡಿಜಿಸಿಎ ಹೇಳಿದೆ.