ನೇತ್ರಾವತಿ ಸೇತುವೆ;ಅಪಾಯದಲ್ಲಿ ಸಿಲುಕಿದ್ದ ನಾಯಿ ಹಾಗೂ ಆರು ಮರಿಗಳ ರಕ್ಷಣೆ

ಮಂಗಳೂರಿನ ಜಪ್ಪಿನಮೊಗರು, ಕಡೇಕಾರಿನ ನೇತ್ರಾವತಿ ಸೇತುವೆ ಸಮೀಪ ನಾಯಿ ಹಾಗೂ ಅದರ ಆರು ಮರಿಗಳು ಸಿಕ್ಕಿಹಾಕಿಕೊಂಡಿದ್ದು, ಅದನ್ನು ರಕ್ಷಿಸಿ ಎಂದು ಸ್ಥಳೀಯ ನಿವಾಸಿ ನಿತೇಶ್ ಸುವರ್ಣ ಆ್ಯನಿಮಲ್ ಕೇರ್ ಟ್ರಸ್ಟ್ ನ ಟ್ರಸ್ಟಿ ಸುಮಾ ಆರ್.ನಾಯಕ್ ಅವರಿಗೆ ಕರೆ ಮಾಡಿ ರಕ್ಷಿಸುವಂತೆ ಮನವಿ ಮಾಡಿಕೊಂಡಿದ್ದರು. ಈ ಮಾಹಿತಿ ಪಡೆದ ನಂತರ ಎಸಿಟಿ ಸದಸ್ಯರಾದ ರವಿ, ಪ್ರಸಾದ್, ಸ್ವಯಂಸೇವಕರಾದ ಅನೀಶ್, ಸಮೀರ್ ಮತ್ತು ಶಮಿತ್ ಕುಮಾರ್ ದೋಣಿ ಮೂಲಕ ಜಪ್ಪಿನಮೊಗರು ಬಳಿ ತೆರಳಿದ್ದರು. 15 ನಿಮಿಷದಲ್ಲಿ ಸ್ಥಳಕ್ಕೆ ತೆರಳುವ ಮೂಲಕ ನಾಯಿ ಹಾಗೂ ಆರು ಮರಿಗಳನ್ನು ಪ್ರಾಣಾಪಾಯದಿಂದ ರಕ್ಷಿಸಿದ್ದಾರೆ.