ಪಕ್ಷದ ಸದಸ್ಯತ್ವದಿಂದ ಪ್ರಧಾನಿ ಒಲಿ ವಜಾ

ಕಠ್ಮಂಡು: ನೇಪಾಲದ ಆಡಳಿತಾರೂಢ ಕಮ್ಯೂನಿಸ್ಟ್‌ ಪಾರ್ಟಿಯಲ್ಲಿನ ಬಿರುಕು ಈಗ ಹೊಸ ಸ್ವರೂಪ ಪಡೆದುಕೊಂಡಿದ್ದು, ಪುಷ್ಪಕಮಲ್‌ ದಹಲ್‌(ಪ್ರಚಂಡ) ನೇತೃತ್ವದ ಬಣವು ರವಾರ ಏಕಾಏಕಿ ಪ್ರಧಾನಿ ಕೆ.ಪಿ.ಶರ್ಮ ಒಲಿ ಅವರನ್ನು ಪಕ್ಷದ ಪ್ರಾಥಮಿಕ ಸದಸ್ಯತ್ವದಿಂದಲೇ ವಜಾ ಮಾಡಿದೆ.

ಮಾಜಿ ಪ್ರಧಾನಿಗಳಾದ ಪ್ರಚಂಡ ಹಾಗೂ ಮಾಧವ್‌ ಕುಮಾರ್‌ ನೇಪಾಲ್‌ ನೇತೃತ್ವದ ನಡೆದ ಪಕ್ಷದ ಸ್ಥಾಯಿ ಸಮಿತಿ ಸಭೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದೆ. ಒಲಿಯವರ ಇತ್ತೀಚೆಗಿನ ನಡೆಗಳಿಗೆ ಸಂಬಂಧಿಸಿ ಈ ಬಣವು ವಿವರಣೆ ಕೋರಿತ್ತು. ಆದರೆ, ವಿವರಣೆ ನೀಡುವಲ್ಲಿ ಒಲಿ ವಿಫ‌ಲವಾದ ಹಿನ್ನೆಲೆಯಲ್ಲಿ ಅವರನ್ನು ವಜಾ ಮಾಡಲಾಗಿದೆ. ಇತ್ತೀಚೆಗಷ್ಟೇ ಪ್ರಚಂಡ ಬಣವು ಪಕ್ಷದ ಮುಖ್ಯಸ್ಥ ಸ್ಥಾನದಿಂದ ಒಲಿ ಅವರನ್ನು ಕಿತ್ತುಹಾಕಿತ್ತು.