ಚೀನದ ಅಲಿಪೇ, ವೀಚ್ಯಾಟ್‌ ಡಿಜಿಟಲ್‌ ವ್ಯಾಲೆಟ್‌ ನಿಷೇಧಿಸಿದ ನೇಪಾಲ

ಕಾಠ್ಮಂಡು : ನೇಪಾಲಕ್ಕೆ ಭೇಟಿ ನೀಡುವ ಸಹಸ್ರಾರು ಚೀನಿ ಪ್ರವಾಸಿಗರಿಂದ ಭಾರೀ ಪ್ರಮಾಣದ ವಿದೇಶೀ ಕರೆನ್ಸಿ ಆದಾಯ ನಷ್ಟವಾಗುವ ಭೀತಿಯಲ್ಲಿ ನೇಪಾಲದ ಸೆಂಟ್ರಲ್‌ ಬ್ಯಾಂಕ್‌ ಚೀನದ ಆಲಿಪೇ ಮತ್ತು ವೀಚ್ಯಾಟ್‌ ಎಂಬೆರಡು ಡಿಜಿಟಲ್‌ ವ್ಯಾಲೆಟ್‌ ಗಳನ್ನು ನಿಷೇಧಿಸಿದೆ.

ನೇಪಾಲದ ಹೊಟೇಲುಗಳಲ್ಲಿ, ರೆಸ್ಟೋರೆಂಟ್‌ಗಳು ಮತ್ತು ಅಂಗಡಿಗಳಲ್ಲಿ ವ್ಯಾಪಕವಾಗಿ ಪ್ರವಾಸಿಗರು ಬಳಸುವ ಚೀನದ ಜನಪ್ರಿಯ ಡಿಜಿಟಲ್‌ ಪೇಮೆಂಟ್‌ ವೇದಿಕೆಗಳನ್ನು ತಾನು ನಿಷೇಧಿಸಿರುವುದಾಗಿ ನೇಪಾಲ ರಾಷ್ಟ್ರ ಬ್ಯಾಂಕ್‌ ಅಧಿಕೃತ ಪ್ರಕಟನೆ ಹೊರಡಿಸಿದೆ.

ನೇಪಾಲ ಸೆಂಟ್ರಲ್‌ ಬ್ಯಾಂಕಿನ ಅನುಮತಿ ಇಲ್ಲದೆ ಚೀನದ ಈ ಎರಡು ಡಿಜಿಟಲ್‌ ವ್ಯಾಲೆಟ್‌ಗಳನ್ನು ಬಳಸುವುದು ಕಾನೂನು ಬಾಹಿರ ಎಂದು ಬ್ಯಾಂಕಿನ ವಕ್ತಾರ ಲಕ್ಷ್ಮೀ ಪ್ರಪನ್ನ ನಿರೋಲಾ ಹೇಳಿದ್ದಾರೆ.