Nepal – China ನಡುವೆ ತ್ವರಿತ ಒಪ್ಪಂದ

ಕಠ್ಮಂಡು: ಭಾರತದ ಶತ್ರುರಾಷ್ಟ್ರ ಚೀನ, ಭಾರತದ ನೆರೆಯ ರಾಷ್ಟ್ರಗಳೆಲ್ಲವನ್ನು ತನ್ನ ಬುಟ್ಟಿಗೆ ಹಾಕಿಕೊಳ್ಳುವ ಕಾಯಕ ಮುಂದುವರಿಸಿದೆ.

ಭಾರತದ ತೀವ್ರ ವಿರೋಧದ ನಡುವೆಯೇ 2017ರಂದು ನೇಪಾಲದಲ್ಲಿ ಒನ್‌ ಬೆಲ್ಟ್-ಒನ್‌ ರೋಡ್‌ ಕಾಮಗಾರಿ­ಯನ್ನು ಚೀನ ಆರಂಭಿಸಿತ್ತು. ಇದೀಗ ಈ ಕಾಮಗಾರಿಗಳನ್ನು ತ್ವರಿತವಾಗಿ ಮುಗಿಸಲು ಎರಡೂ ರಾಷ್ಟ್ರಗಳು ಒಪ್ಪಂದ ಮಾಡಿಕೊಂಡಿವೆ.

ಈ ಪ್ರಯುಕ್ತ ನೇಪಾಲ ಪ್ರಧಾನಿ ಪುಷ್ಪ ಕಮಲ್‌ ದಹಲ್‌ ಈ ಸೆಪ್ಟಂಬರ್‌ನಲ್ಲಿ ಚೀನಕ್ಕೆ ತೆರಳಲಿದ್ದಾರೆ. ನೇಪಾಲದೊಳಗೆ ರಸ್ತೆ, ರೈಲ್ವೇ ಸಾರಿಗೆ ವೃದ್ಧಿ ಮಾಡುವುದಲ್ಲದೇ, ಎರಡೂ ರಾಷ್ಟ್ರಗಳ ನಡುವೆ ನೇರ ಸಂಪರ್ಕಕ್ಕೆ ಇದು ನೆರವಾಗುತ್ತದೆ.

ಭಾರತದ ವಿರುದ್ಧ ಸುಲಭವಾಗಿ ಬೇಹುಗಾರಿಕೆ ನಡೆಸಲು ಇದರಿಂದ ಚೀನಕ್ಕೆ ಸಾಧ್ಯವಾಗುತ್ತದೆ. ಇದೇ ಮಾದರಿಯಲ್ಲಿ ಚೀನ, ಪಾಕಿಸ್ಥಾನ­ದೊಂದಿಗೆ ಸಿಪೆಕ್‌ ಒಪ್ಪಂದ ಮಾಡಿಕೊಂಡಿದೆ. ಪಾಕ್‌ ಆಕ್ರಮಿತ ಕಾಶ್ಮೀರವೂ ಸೇರಿದಂತೆ ರಸ್ತೆ ನಿರ್ಮಿಸಲು ಚೀನ ಮುಂದಾಗಿದೆ. ಇದಕ್ಕೂ ಭಾರತ ಬಲವಾದ ಆಕ್ಷೇಪವೆತ್ತಿದೆ.