ಮೋದಿ ಪಿಎಂ ಆಗಲು ನೆಹರೂ ಕಾರಣ 

ಹೊಸದಿಲ್ಲಿ: ಆಗಾಗ ವಿವಾದಗಳನ್ನು ಮೈಮೇಲೆ ಎಳೆದುಕೊಳ್ಳುವ ಕಾಂಗ್ರೆಸ್‌ ಸಂಸದ ಶಶಿ ತರೂರ್‌ ಈಗ, ಪ್ರಥಮ ಪ್ರಧಾನಿ ಜವಾಹರ್‌ಲಾಲ್‌ ನೆಹರೂ ರೂಪಿಸಿದ ವ್ಯವಸ್ಥೆಯಿಂದಾಗಿಯೇ ಚಹಾ ಮಾರುತ್ತಿದ್ದ ವ್ಯಕ್ತಿ ಪ್ರಧಾನಿಯಾಗಲು ಸಾಧ್ಯವಾಗಿದೆ ಎಂದಿದ್ದಾರೆ. ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ ಅವರು, ಯಾವುದೇ ವ್ಯಕ್ತಿಯೂ ಈ ದೇಶದ ಅತ್ಯುನ್ನತ ಹುದ್ದೆಯನ್ನು ಏರಲು ಸಾಧ್ಯವಾಗುವಂತೆ ಮಾಡಿದ್ದು ನೆಹರು ರೂಪಿಸಿದ ಸಾಂಸ್ಥಿಕ ರಚನೆಗಳು. ನೆಹರೂ ಬಗ್ಗೆ ಈಗ ಇಂಟರ್‌ನೆಟ್‌ನಲ್ಲಿ ಕೀಳಾಗಿ ಮಾತನಾಡುವುದನ್ನು ಕಾಣುತ್ತಿದ್ದೇವೆ.ಎಂದರು. ಇದಕ್ಕೆ ವ್ಯಂಗ್ಯವಾಗಿ ಟ್ವೀಟ್‌ ಮಾಡಿದ ಬಿಜೆಪಿ, ಜಗತ್ತಿನಲ್ಲಿ ಮಾನವೀಯತೆ ಅಸ್ತಿತ್ವದಲ್ಲಿರು ವುದಕ್ಕೆ ನೆಹರೂ ಕಾರಣ ಎಂದಿದೆ.