ಮುಖರ್ಜಿ ನಿಧನದ ತನಿಖೆಗೆ ನಿರಾಕರಿಸಿದ್ದ ನೆಹರೂ

ಹೊಸದಿಲ್ಲಿ: ಭಾರತೀಯ ಜನಸಂಘದ ಸಂಸ್ಥಾಪಕ ಡಾ. ಶ್ಯಾಮ ಪ್ರಸಾದ್‌ ಮುಖರ್ಜಿ ನಿಧನದ ಬಗ್ಗೆ ತನಿಖೆ ನಡೆಸಲು ಪ್ರಥಮ ಪ್ರಧಾನಿ ಜವಾಹರಲಾಲ ನೆಹರೂ ನಿರಾಕರಿಸಿದ್ದರು ಎಂದು ಬಿಜೆಪಿ ಕಾರ್ಯಕಾರಿ ಅಧ್ಯಕ್ಷ ಜೆ.ಪಿ.ನಡ್ಡಾ ಆರೋಪಿಸಿದ್ದಾರೆ. ಹೊಸದಿಲ್ಲಿಯಲ್ಲಿ ಆಯೋಜಿಸಲಾಗಿದ್ದ ಮುಖರ್ಜಿ ಪುಣ್ಯಸ್ಮರಣೆ ವೇಳೆ ಅವರು, ಈ ಹೇಳಿಕೆ ನೀಡಿದ್ದಾರೆ. ಮುಖರ್ಜಿ ನಿಧನದ ಕುರಿತು ತನಿಖೆ ನಡೆಸುವಂತೆ ಇಡೀ ದೇಶವೇ ಆಗ್ರಹಿಸಿತ್ತು. ಆದರೆ ನೆಹರೂ ಅದಕ್ಕೆ ಕಿವಿಗೊಡಲಿಲ್ಲ. ಅದಕ್ಕೆ ಇತಿಹಾಸವೇ ಸಾಕ್ಷಿ ಎಂದು ನಡ್ಡಾ ದೂರಿದರು. ನೆಹರೂ ಓಲೈಕೆ ನೀತಿಯನ್ನು ವಿರೋಧಿಸಿ ಕಾಂಗ್ರೆಸ್‌ನಿಂದ ಮುಖರ್ಜಿ ದೂರಾಗಿದ್ದರು ಎಂದಿದ್ದಾರೆ.