ಡಿಸೆಂಬರ್‌ನಿಂದ 24 ಗಂಟೆ ನೆಫ್ಟ್

ಹೊಸದಿಲ್ಲಿ: ಸದ್ಯದಲ್ಲೇ ನೀವು ಆನ್‌ಲೈನ್‌ನ ನೆಫ್ಟ್(ನ್ಯಾಶನಲ್‌ ಎಲೆಕ್ಟ್ರಾನಿಕ್‌ ಫ‌ಂಡ್ಸ್‌ ಟ್ರಾನ್ಸ್‌ಫ‌ರ್‌) ವ್ಯವಸ್ಥೆಯ ಮೂಲಕ ದಿನದ 24 ಗಂಟೆಗಳಲ್ಲಿ ಯಾವಾಗ ಬೇಕಿದ್ದರೂ ಹಣ ಕಳುಹಿಸಲು ಸಾಧ್ಯ. ಹೀಗೆಂದು ಸ್ವತಃ ಭಾರತೀಯ ರಿಸರ್ವ್‌ ಬ್ಯಾಂಕ್‌ ಮಾಹಿತಿ ನೀಡಿದೆ.

ಈವರೆಗೆ ಎರಡನೇ ಮತ್ತು ನಾಲ್ಕನೇ ಶನಿವಾರ ಹೊರತುಪಡಿಸಿ ಉಳಿದ ಎಲ್ಲ ಕೆಲಸದ ದಿನಗಳಲ್ಲಿ ಬೆಳಗ್ಗೆ 8ರಿಂದ ರಾತ್ರಿ 7ರ ವರೆಗೆ ಮಾತ್ರ ನೆಫ್ಟ್ ಮೂಲಕ 2 ಲಕ್ಷ ರೂ.ವರೆಗೆ ಹಣ ರವಾನಿಸಲು ಸಾಧ್ಯವಿತ್ತು. ಆದರೆ ಮುಂದಿನ ಡಿಸೆಂಬರ್‌ನಿಂದ ಹೊಸ ನಿಯಮ ಜಾರಿಗೆ ಬರಲಿದ್ದು, ನೀವು ಯಾವಾಗ ಬೇಕಿದ್ದರೂ ಹಣ ರವಾನಿಸಲು ಅವಕಾಶವಿರುತ್ತದೆ ಎಂದು ಆರ್‌ಬಿಐ ತಿಳಿಸಿದೆ.