ಸ್ವಯಂ ನಿರ್ಬಂಧ: ಜಾವೆಲಿನ್‌ ಎಸೆತಗಾರ ನೀರಜ್‌ ಚೋಪ್ರಾಗೆ ಸಾಯ್‌ ಸೂಚನೆ

ನವದೆಹಲಿ: ಟರ್ಕಿಯಲ್ಲಿ ತರಬೇತಿ ಪೂರೈಸಿ ಬಂದ ಜಾವೆಲಿನ್‌ ಎಸೆತಗಾರ ನೀರಜ್‌ ಚೋಪ್ರಾ ಅವರಿಗೆ ಭಾರತೀಯ ಕ್ರೀಡಾ ಪ್ರಾಧಿಕಾರ (ಸಾಯ್‌) ಸ್ವಯಂ ನಿರ್ಬಂಧಕ್ಕೆ ಸೂಚಿಸಿದೆ.

14 ದಿನಗಳ ಕಾಲ ಪಟಿಯಾಲದ ಎನ್‌ಐಎಸ್‌ನ ಹಾಸ್ಟೆಲ್‌ ರೂಮ್‌ನಲ್ಲೇ ಉಳಿಯುವಂತೆ, ಬೇರೆಯಾರೊಂದಿಗೂ ಬೆರೆಯದಂತೆ ಹೇಳಿದೆ. ನೀರಜ್‌ ಚೋಪ್ರಾ ಜತೆಗೆ ರೋಹಿತ್‌ ಯಾದವ್‌ ಕೂಡ ಟರ್ಕಿಯಲ್ಲಿ ತರಬೇತಿ ನಡೆಸಿದ್ದರು. ಹಾಗೆಯೇ ಶಿಪಪಾಲ್‌ ಮತ್ತು ವಿಪಿನ್‌ ಕಸಾನಾ ದಕ್ಷಿಣ ಆಫ್ರಿಕಾದಲ್ಲಿ ಅಭ್ಯಾಸ ನಡೆಸಿ ತವರಿಗೆ ಮರಳಿದ್ದರು.

ಇವರಿಗೂ ಸಾಯ್‌ ಇದೇ ಸೂಚನೆ ನೀಡಿದೆ. ಇಬ್ಬರಿಗೂ ಪ್ರತ್ಯೇಕ ಕೋಣೆಗಳನ್ನು ನೀಡಲಾಗಿದೆ. ಭಾರತದ ತಾರಾ ಜಾವೆಲಿನ್‌ ಎಸೆತಗಾರ ಆಗಿರುವ ನೀರಜ್‌ ಚೋಪ್ರಾ ಈಗಾಗಲೇ ಟೋಕೊಯೋ ಒಲಿಂಪಿಕ್ಸ್‌ ಅರ್ಹತೆ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ.