NDA ಬಹುತೇಕ “ವಿಶ್ವಾಸ” ಗೆಲ್ಲುವ ಸಾಧ್ಯತೆ- ಬಿಹಾರದಲ್ಲಿಂದು ನಿತೀಶ್‌ ವಿಶ್ವಾಸ ಮತಯಾಚನೆ

ಪಟ್ನಾ: ಬಿಹಾರ ಮುಖ್ಯಮಂತ್ರಿ ನಿತೀಶ್‌ ಕುಮಾರ್‌ ಅವರು ಸೋಮ­ವಾರ ಬಿಹಾರ ವಿಧಾನಸಭೆಯಲ್ಲಿ ವಿಶ್ವಾಸಮತ ಯಾಚಿಸಲಿ­ದ್ದಾರೆ.

ಕಳೆದ ತಿಂಗಳು ವಿಪಕ್ಷ ಇಂಡಿಯಾ ಒಕ್ಕೂಟದಿಂದ ಹೊರಬಂದ ಜೆಡಿಯು, ಎನ್‌ಡಿಎ ಜತೆ ಕೈಜೋಡಿ­ಸಿದ್ದು, 9ನೇ ಬಾರಿ ಮುಖ್ಯ­ಮಂತ್ರಿಯಾಗಿ ಜೆಡಿಯು ವರಿಷ್ಠ ನಿತೀಶ್‌ ಕುಮಾರ್‌ ಪ್ರಮಾಣವಚನ ಸ್ವೀಕರಿಸಿದ್ದರು. ಸೋಮ­ವಾರ ನಿತೀಶ್‌ ಬಹುಮತ ಸಾಬೀತುಪಡಿಸಬೇಕಾಗಿದ್ದು, ಪ್ರತಿಯೊ­ಬ್ಬರು ಸದನದಲ್ಲಿ ಹಾಜರಿರುವಂತೆ ತನ್ನ ಶಾಸಕರಿಗೆ ಜೆಡಿಯು ವಿಪ್‌ ಜಾರಿಗೊಳಿ­ಸಿದೆ. ಇದೇ ವೇಳೆ ಎನ್‌ಡಿಎ ಮೈತ್ರಿ­ಕೂಟದ ಪರ ಮತ ಹಾಕುವಂತೆ ಸೂಚಿಸಿ ತನ್ನ ನಾಲ್ವರು ಶಾಸಕರಿಗೆ ಹಿಂದೂಸ್ಥಾನಿ ಅವಾಮಿ ಮೋರ್ಚಾ(ಎಚ್‌ಎಎಂ) ಸಂಸ್ಥಾಪಕ ಜಿತಿನ್‌ ರಾಮ್‌ ಮಾಂಝಿ ಕೂಡ ವಿಪ್‌ ಜಾರಿಗೊಳಿಸಿದ್ದಾರೆ.

ಇನ್ನೊಂದೆಡೆ, ನೂತನವಾಗಿ ರಚನೆ­ಗೊಂಡಿರುವ ಎನ್‌ಡಿಎ ಮೈತ್ರಿಕೂಟವು ಬಿಹಾರ ವಿಧಾನಸಭೆ ಸ್ಪೀಕರ್‌ ಅವಾಧ್‌ ಬಿಹಾರಿ ಚೌಧರಿ ವಿರುದ್ಧ ಅವಿಶ್ವಾಸ ನಿರ್ಣಯ ಮಂಡಿಸಿದೆ. ಆದರೆ ಫೆ. 12ರ ಬಜೆಟ್‌ ಕಲಾಪ ಆರಂಭ­ವಾಗುವ ಮೊದಲು ತಾವು ರಾಜೀನಾಮೆ ಸಲ್ಲಿಸುವುದಿಲ್ಲ ಎಂದು ಚೌಧರಿ ಹೇಳಿದ್ದಾರೆ. “ಅವಿಶ್ವಾಸ ನಿರ್ಣಯದ ಹಿನ್ನೆಲೆಯಲ್ಲಿ ಚೌಧರಿ ಅವರಿಗೆ ಕಲಾಪ ನಡೆಸಲು ಅವಕಾಶ ನೀಡುವುದಿಲ್ಲ’ ಎಂದು ಡೆಪ್ಯೂಟಿ ಸ್ಪೀಕರ್‌ ಮಹೇಶ್ವರ ಹಜಾರಿ ತಿಳಿಸಿದ್ದಾರೆ.

ಇತ್ತ ತೆಲಂಗಾಣದಲ್ಲಿ ಬೀಡು­ಬಿಟ್ಟಿದ್ದ ಬಿಹಾರದ ಕಾಂಗ್ರೆಸ್‌ ಶಾಸಕರು ಪಟ್ನಾಗೆ ಮರಳಿ, ತೇಜಸ್ವಿ ಯಾದವ್‌ ನಿವಾಸಕ್ಕೆ ತೆರಳಿದ್ದಾರೆ ಎನ್ನಲಾಗಿದೆ.