ನವರಾತ್ರಿ ಸ್ಪೆಷಲ್‌ ಸಾಗು ಪಾಯಸ

 ಸಾಗು: 50 ಗ್ರಾಂ
 ಹಾಲು: ಅರ್ಧ ಲೀಟರ್‌
 ಒಣದ್ರಾಕ್ಷಿ: 10 ಗ್ರಾಂ
 ಸಕ್ಕರೆ: 50 ಗ್ರಾಂ
 ಏಲಕ್ಕಿ: 3
 ಕೇಸರಿ: ಸ್ವಲ್ಪ

ಮಾಡುವ ವಿಧಾನ
ಸಾಗುವನ್ನು 6-7 ಗಂಟೆ ನೀರಿನಲ್ಲಿ ನೆನೆಹಾಕಿ. ಅನಂತರ ನೀರು ಸೋಸಿ ಹಾಲಿನಲ್ಲಿ ಹಾಕಿ, ಸಕ್ಕರೆ ಸೇರಿಸಿ ಸಾಗು ಮೆತ್ತಗಾಗುವವರೆಗೆ ಬೇಯಿಸಿ. ಹಾಲು ಸ್ವಲ್ಪ ಮಂದವಾಗುವವರೆಗೆ ಬೇಯಿಸಿ. ತವಾ ಬಿಸಿ ಮಾಡಿ 1 ಚಮಚ ತುಪ್ಪ ಹಾಕಿ ಅದರಲ್ಲಿ ಒಣದ್ರಾಕ್ಷಿ ಹಾಕಿ 1 ನಿಮಿಷ ಫ್ರೈ ಮಾಡಿ, ಅದನ್ನು ಪಾಯಸಕ್ಕೆ ಹಾಕಿ, ಏಲಕ್ಕಿ ಪುಡಿ ಮಾಡಿ, ತಿರುಗಿಸಿದರೆ ಸಾಗು ಪಾಯಸ ರೆಡಿ. ಬಳಿಕ ಪಾಯಸವನ್ನು ಕೇಸರಿಯಿಂದ ಅಲಂಕರಿಸಬಹುದು.

  ನಿಖೀತಾ, ಯೆಯ್ನಾಡಿ