ಐಪಿಎಲ್‌ ಪಂದ್ಯಕ್ಕೂ ಮುನ್ನ ಮೊಳಗಲಿ ರಾಷ್ಟ್ರಗೀತೆ…

ಹೊಸದಿಲ್ಲಿ: ವಿಶ್ವದ ಅತ್ಯಂತ ಶ್ರೀಮಂತ ಕ್ರಿಕೆಟ್‌ ಲೀಗ್‌ ಆಗಿರುವ ಐಪಿಎಲ್‌ ವೇಳೆ ರಾಷ್ಟ್ರಗೀತೆಯನ್ನು ಹಾಡಬೇಕು ಎಂಬುದಾಗಿ ಕಿಂಗ್ಸ್‌ ಇಲೆವೆನ್‌ ಪಂಜಾಬ್‌ ಮಾಲಕ ನೆಸ್‌ ವಾಡಿಯಾ ಬಿಸಿಸಿಐಗೆ ಮನವಿ ಮಾಡಿದ್ದಾರೆ.

ಪ್ರತಿಯೊಂದು ಅಂತಾರಾಷ್ಟ್ರೀಯ ಪಂದ್ಯಕ್ಕೂ ಮುನ್ನ ಎರಡೂ ದೇಶಗಳ ರಾಷ್ಟ್ರಗೀತೆಯನ್ನು ಹಾಡುವುದು ಸಂಪ್ರದಾಯವಾಗಿದೆ. ಇಂಡಿಯನ್‌ ಸೂಪರ್‌ ಲೀಗ್‌ ಫ‌ುಟ್ಬಾಲ್‌, ಪ್ರೊ ಕಬಡ್ಡಿ ಲೀಗ್‌ ವೇಳೆ ಭಾರತದ ರಾಷ್ಟ್ರಗೀತೆ ಮೊಳಗುತ್ತದೆ. ಅದೇ ರೀತಿ ಈ ಸಂಪ್ರದಾಯವನ್ನು ಐಪಿಎಲ್‌ನಲ್ಲೂ ಆರಂಭಿಸಬೇಕು ಎನ್ನುವುದು ವಾಡಿಯಾ ಸಲಹೆ.

“ಈ ಕುರಿತು ನಾನು ಮೊದಲೊಮ್ಮೆ ಬಿಸಿಸಿಐಗೆ ಸೂಚಿಸಿದ್ದೆ. ಈಗ ಮಂಡಳಿ ಅಧ್ಯಕ್ಷ ಸೌರವ್‌ ಗಂಗೂಲಿ ಅವರಿಗೆ ಪತ್ರ ಬರೆದಿದ್ದೇನೆ. ಇದು ಇಂಡಿಯನ್‌ ಲೀಗ್‌ ಆಗಿರುವುದರಿಂದ ರಾಷ್ಟ್ರಗೀತೆ ಹಾಡುವುದು ಒಳ್ಳೆಯ ಸಂಪ್ರದಾಯ. ನಮ್ಮ ರಾಷ್ಟ್ರಗೀತೆ ಅಷ್ಟೊಂದು ಅದ್ಭುತ ವಾಗಿದೆ’ ಎಂದು ನೆಸ್‌ ವಾಡಿಯಾ ಹೇಳಿದ್ದಾರೆ.