ಐಪಿಎಲ್‌ನಿಂದ ಹೊರಬಿದ್ದ ನಥನ್‌ ಕೌಲ್ಟರ್‌ ನಿಲೆ ಔಟ್‌

ಮುಂಬೈ: ಗಾಯಗೊಂಡಿರುವ ವೇಗಿ ನಥನ್‌ ಕೌಲ್ಟರ್‌ ನಿಲೆ ಅವರು ಐಪಿಎಲ್‌ನ ಈ ಋತುವಿನ ಇನ್ನುಳಿದ ಪಂದ್ಯಗಳಿಂದ ಹೊರಬಿದ್ದಿದ್ದಾರೆ.

ಇದರಿಂದ ರಾಜಸ್ಥಾನ್‌ ರಾಯಲ್ಸ್‌ಗೆ ದೊಡ್ಡ ಹೊಡೆತ ಬಿದ್ದಿದೆ. ಅವರು ಈ ಋತುವಿನ ಐಪಿಎಲ್‌ನಲ್ಲಿ ಕೇವಲ ಒಂದು ಪಂದ್ಯ ಆಡಿದ್ದರು.

ಸನ್‌ರೈಸರ್ ಹೈದರಾಬಾದ್‌ ವಿರುದ್ಧದ ಆರಂಭಿಕ ಪಂದ್ಯದ ವೇಳೆ ವೇಗಿ ನಥನ್‌ ಗಾಯಕ್ಕೆ ಒಳಗಾಗಿದ್ದರು. ಆಬಳಿಕ
ತಂಡದ ಮುಂದಿನೆರಡು ಪಂದ್ಯಗಳಲ್ಲಿ ನಥನ್‌ ಆಡಿರಲಿಲ್ಲ. ಗಾಯದಿಂದ ಇನ್ನೂ ಚೇತರಿಸಿಕೊಳ್ಳದ ಕಾರಣ ಅವರು ಈ ಬಾರಿಯ ಐಪಿಎಲ್‌ನಿಂದ ಹೊರಗುಳಿಯಲಿದ್ದಾರೆ.

ಇದನ್ನೂ ಓದಿ:ಐಪಿಎಲ್‌ : ಏಕಪಕ್ಷೀಯವಾಗಿ ಗೆದ್ದ ಕೋಲ್ಕತ್ತ ನೈಟ್ ರೈಡರ್ಸ್

ನಥನ್‌ ಮೊದಲ ಪಂದ್ಯದಲ್ಲಿ ಮೂರು ಓವರ್‌ ಎಸೆದಿದ್ದು 48 ರನ್‌ ಬಿಟ್ಟುಕೊಟ್ಟಿದ್ದರು. ನಾವು ಮತ್ತೆ ಸೇರಿಕೊಳ್ಳುವ ಮೊದಲು ನೀವು ಶೀಘ್ರ ಚೇತರಿಸಿಕೊಳ್ಳಿ ಎಂದು ರಾಜಸ್ಥಾನ್‌ ರಾಯಲ್ಸ್‌ ಟ್ವೀಟ್‌ ಮಾಡಿದೆ.

ಕಳೆದ ಹರಾಜಿನಲ್ಲಿ ರಾಜಸ್ಥಾನ್‌ ತಂಡವು 2 ಕೋಟಿ ರೂ.ಗಳ ಮೂಲ ಬೆಲೆಗೆ ನಥನ್‌ ಕೌಲ್ಟರ್‌ ನಿಲೆರನ್ನು ಖರೀದಿಸಿತ್ತು.