ಮಾಲ್ಡೀವ್ಸ್‌ಗೆ ನಶೀದ್‌ ಅಧ್ಯಕ್ಷ

ಮಾಲೆ: ಮಾಲ್ಡೀವ್ಸ್‌ನ ಚುನಾವಣೆಯಲ್ಲಿ ಭರ್ಜರಿ ಜಯಗಳಿಸಿದ ಮೊಹಮ್ಮದ್‌ ನಶೀದ್‌, ತನ್ನ ರಾಜಕೀಯ ವಿರೋಧಿ ಅಬ್ದುಲ್ಲಾ ಯಮೀನ್‌ರನ್ನು ಸೋಲಿಸಿದ್ದಾರೆ. ಮಾಲ್ಡೀವಿಯನ್‌ ಡೆಮಾಕ್ರಾಟಿಕ್‌ ಪಾರ್ಟಿ 87 ಸದಸ್ಯರ ಸಂಸತ್ತಿನಲ್ಲಿ ಮೂರನೇ ಎರಡರಷ್ಟು ಬಹುಮತ ಗಳಿಸಿದೆ. ಈ ಮೂಲಕ ನಶೀದ್‌ ಪುನಃ ಅಧ್ಯಕ್ಷ ಸ್ಥಾನಕ್ಕೆ ಏರಲಿದ್ದಾರೆ. ಮೂಲಗಳ ಪ್ರಕಾರ ನಶೀದ್‌ರ ಎಂಡಿಪಿ 68 ಕ್ಷೇತ್ರಗಳಲ್ಲಿ ಜಯಭೇರಿ ಬಾರಿಸಿದೆ. 5 ವರ್ಷಗಳಲ್ಲಿ ಆಡಳಿತ ನಡೆಸಿದ್ದ ಯಮೀನ್‌ ವಿರುದ್ಧ ಹಲವು ಭ್ರಷ್ಟಾಚಾರ ಆರೋಪ ಕೇಳಿಬಂದಿತ್ತು. ಅಲ್ಲದೆ ಚುನಾವಣೆಯಲ್ಲಿ ಎದುರಾಳಿ ನಶೀದ್‌ರನ್ನು ಯಮೀನ್‌ ಗಡಿಪಾರು ಮಾಡಿದ್ದರು.