ತದ್ರೂಪಿ ಮೋದಿ-ಪ್ರಧಾನಿ ಮೋದಿ ಮುಖಾಮುಖೀ?

ಉಡುಪಿ: ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಹೋಲುವ ಹಿರಿಯಡಕ ಸದಾನಂದ ನಾಯಕ್‌ ಮತ್ತು ಮಹಾತ್ಮಾ ಗಾಂಧಿಯವರಂತೆ ಕಾಣಿಸುವ ತೊಟ್ಟಂ ಮೂಲದ ಆಗಸ್ಟಿನ್‌ ಅಲ್ಮೇಡಾ ಅವರು ಮಂಗಳವಾರ ದಿಲ್ಲಿಯ ಮಹಾತ್ಮಾ ಗಾಂಧಿ ಸಮಾಧಿ ಸ್ಥಳದಲ್ಲಿ ನಡೆಯುವ ಗಾಂಧಿ ಪುಣ್ಯತಿಥಿಯಲ್ಲಿ ಪಾಲ್ಗೊಳ್ಳಲಿದ್ದಾರೆ.

ಈ ಇಬ್ಬರು ತದ್ರೂಪಿಗಳು ರವಿವಾರವೇ ಪಾಸು ಇತ್ಯಾದಿಗಳಿಗಾಗಿ ಸ್ಥಳಕ್ಕೆ ಭೇಟಿ ನೀಡಿದರು. ಮಂಗಳವಾರ ಸುಮಾರು 3,000 ಜನರು ಪಾಲ್ಗೊಳ್ಳುವ ಕಾರಣ ಪ್ರಧಾನಿ ನರೇಂದ್ರ ಮೋದಿ ಮತ್ತು ತದ್ರೂಪಿ ಮೋದಿ ಮುಖಾಮುಖೀಯಾಗುವ ಸಾಧ್ಯತೆ ಇದೆ.