ಇನ್‌ಫೋಸಿಸ್‌ ಸ್ಥಾಪಕ ನಂದನ್‌ ನಿಲೇಕಣಿ ಮರಳಿ ಮಾತೃಸಂಸ್ಥೆಗೆ ?

ಹೊಸದಿಲ್ಲಿ : ಇನ್‌ಫೋಸಿಸ್‌ ಕಂಪೆನಿಯ ಹೈ ಪ್ರೊಫೈಲ್‌ ಸ್ಥಾಪಕರಲ್ಲಿ ಒಬ್ಬರಾಗಿರುವ ನಂದನ್‌ ನಿಲೇಕಣಿ ಅವರು ಮಾತೃ ಸಂಸ್ಥೆಗೆ ಮರಳುವ ಸಾಧ್ಯತೆಗಳಿವೆ ಎಂದು ವರದಿಗಳು ತಿಳಿಸಿವೆ. 

ಇನ್‌ಫೋಸಿಸ್‌ ಸಿಇಓ ಹಾಗೂ ಎಂಡಿ ವಿಶಾಲ್‌ ಸಿಕ್ಕಾ ತಮ್ಮ ಹುದ್ದೆಗೆ ಹಠಾತ್‌ ರಾಜೀನಾಮೆ ನೀಡಿರುವುದರಿಂದ ನಿಲೇಕಣಿ ಅವರು ಮತ್ತೆ ತಮ್ಮ ಮಾತೃ ಸಂಸ್ಥೆಯ ನೇತೃತ್ವ ವಹಿಸಲಿದ್ದಾರೆ ಎಂದು ವರದಿಗಳು ಹೇಳಿವೆ. 

ಮಾಧ್ಯಮ ವರದಿಗಳ ಪ್ರಕಾರ ಮುಂದಿನ 48 ತಾಸುಗಳ ಒಳಗೆ ನಿಲೇಕಣಿ ಅವರು ಇನ್‌ಫೋಸಿಸ್‌ ಕಂಪೆನಿಯಲಿ ಯಾವ ಪಾತ್ರ ವಹಿಸುವರೆಂಬ ಬಗ್ಗೆ ಸ್ಪಷ್ಟ ಚಿತ್ರಣ ಸಿಗಲಿದೆ.

ಕಾರ್ಯ ನಿರ್ವಾಹಕೇತರ ಅಧ್ಯಕ್ಷರಾಗಿ ನಂದನ್‌ ನಿಲೇಕಣಿ ಅವರನ್ನು ಮತ್ತೆ ಮಾತೃ ಸಂಸ್ಥೆಗೆ ತರಬೇಕೆಂಬ ಒಲವನ್ನು ಹೂಡಿಕೆ ಸಲಹಾ ಸಂಸ್ಥೆ ವ್ಯಕ್ತಪಡಿಸಿರುವುದಾಗಿಯೂ ಗೊತ್ತಾಗಿದೆ.