ಆರ್ಥಿಕ ಸಂಕಷ್ಟ: ಬಾಗಿಲು ಮುಚ್ಚಿದ ಬೆಂಗಳೂರಿನ ಶಾಪ್‌ಎಕ್ಸ್‌

ನವದೆಹಲಿ: ಬೆಂಗಳೂರಿನ ಸ್ಟಾರ್ಟ್‌ಅಪ್‌ ಆಗಿರುವ ಶಾಪ್‌ಎಕ್ಸ್‌ ಸಂಸ್ಥೆಯು ಆರ್ಥಿಕ ಸಂಕಷ್ಟದಿಂದಾಗಿ ಬಾಗಿಲು ಮುಚ್ಚಿದೆ.

ಉದ್ಯಮಿ ನಂದನ್‌ ನೀಲೆಕಣಿ ಅವರ ಹೂಡಿಕೆಯಿದ್ದ ಈ ಕಂಪನಿಯಲ್ಲಿ ಆದಾಯ ಭಾರೀ ಪ್ರಮಾಣದಲ್ಲಿ ಕುಸಿದಿರುವುದರಿಂದಾಗಿ ಸಂಸ್ಥೆಯು ದಿವಾಳಿತನ ಘೋಷಿಸಲು ಕಳೆದ ತಿಂಗಳೇ ಅರ್ಜಿ ಸಲ್ಲಿಸಿದೆ ಎಂದೂ ತಿಳಿದುಬಂದಿದೆ.

ಅಪೂರ್ವ ಜೋಯಿಸ್‌ ಮತ್ತು ಅಮಿತ್‌ ಶರ್ಮಾ ಅವರು 2015ರಲ್ಲಿ ಆರಂಭಿಸಿದ ಈ ಸಂಸ್ಥೆಯು ಪ್ರಸಿದ್ಧ ಬ್ರ್ಯಾಂಡ್‌ಗಳನ್ನು ಮಾರಾಟಗಾರರೊಂದಿಗೆ ಹಾಗೂ ಗ್ರಾಹಕರೊಂದಿಗೆ ಸಂಪರ್ಕಿಸುವಂತೆ ಮಾಡುತ್ತಿತ್ತು.

ಸಂಸ್ಥೆಗೆ 520 ಕೋಟಿ ರೂ.ಗೂ ಅಧಿಕ ಹೂಡಿಕೆಯೂ ಹರಿದುಬಂದಿತ್ತು. ಟ್ರ್ಯಾಕ್ಸನ್‌ ಡೇಟಾ ವರದಿಯ ಪ್ರಕಾರ ಸಂಸ್ಥೆಯ ಮೌಲ್ಯ 1,400 ಕೋಟಿ ರೂ.