ನಾಗೇಶ್ವರ ರಾವ್‌ ನೇಮಕಾತಿ ಪ್ರಶ್ನೆ: ಪೀಠದಿಂದ ಹಿಂದೆ ಸರಿದ ಸಿಜೆಐ

ಹೊಸದಿಲ್ಲಿ : ಸಿಬಿಐ ಮಧ್ಯಾವಧಿ ನಿರ್ದೇಶಕರನ್ನಾಗಿ ನಾಗೇಶ್ವರ ರಾವ್‌ ಅವರನ್ನು ನೇಮಕ ಮಾಡಿರುವುದನ್ನು ಪ್ರಶ್ನಿಸಿ ಸಲ್ಲಿಸಲಾಗಿರುವ ಅರ್ಜಿಯ ವಿಚಾರಣೆ ಪೀಠದಿಂದ ವರಿಷ್ಠ ನ್ಯಾಯಮೂರ್ತಿ (ಸಿಜೆಐ) ರಂಜನ್‌ ಗೊಗೋಯ್‌ ಹಿಂದೆ ಸರಿದಿದ್ದಾರೆ. 

ನಾಗೇಶ್ವರ ರಾವ್‌ ಅವರನ್ನು ಆಯ್ಕೆ ಮಾಡಿದ್ದ ಸಮಿತಿಯಲ್ಲಿ ತಾನು ಓರ್ವ ಸದಸ್ಯನಾಗಿದ್ದುದರಿಂದ ತಾನು ಪೀಠದಿಂದ ಹಿಂದೆ ಸರಿಯುತ್ತಿದ್ದೇನೆ ಎಂದು ಗೊಗೋಯ್‌ ಹೇಳಿದ್ದಾರೆ.

ಈ ಪರಿಣಾಮವಾಗಿ ನಾಗೇಶ್ವರ್‌ ರಾವ್‌ ಅವರ ನೇಮಕವನ್ನು ಪ್ರಶ್ನಿಸಿ ಸಲ್ಲಿಸಲಾಗಿದ್ದ ಅರ್ಜಿಯ ವಿಚಾರಣೆ ಈಗಿನ್ನು ಜನವರಿ 24ರಂದು ಬೇರೊಂದು ಪೀಠದಿಂದ ನಡೆಯಲಿದೆ.