Advertisement
ಮಹಾನಗರ ಪಾಲಿಕೆ ನಾಲ್ವಡಿ ಕೃಷ್ಣರಾಜ ಒಡೆಯರ್‌ ಸಭಾಂಗಣದಲ್ಲಿ ಶುಕ್ರವಾರ ನಡೆದ ಕೌನ್ಸಿಲ್‌ ಸಭೆಯಲ್ಲಿ ವಿಪಕ್ಷಗಳ ನಾಯಕರು ಉಂಟು ಮಾಡಿದ ಗೊಂದಲ ಹಾಗೂ ವಿರೋಧದ ನಡುವೆ ಗ್ಯಾಸ್‌ಪೈಪ್‌ಲೈನ್‌ ಅಳವಡಿಕೆಗೆ ಅನುಮೋದನೆ ನೀಡಿ, ಸಭೆಯನ್ನು ಮುಕ್ತಾಯಗೊಳಿಸಿದರು.
Related Articles
Advertisement
ಮೇಯರ್‌ ಕೌನ್ಸಿಲ್‌ ಸಭೆ ನಡೆಸಲು ಅವಕಾಶವಿದೆ: ಈ ವೇಳೆ ಮಧ್ಯ ಪ್ರವೇಶ ಮಾಡಿದ ಆಡಳಿತ ಪಕ್ಷದ ನಾಯಕ ಶಿವಕುಮಾರ್‌, ಕಾಯಿದೆಯಲ್ಲಿ ಮೇಯರ್‌ ಕೌನ್ಸಿಲ್‌ ಸಭೆ ನಡೆಸಲು ಅವಕಾಶವಿದೆ ಎಂದು ಹೇಳಿರುವಾಗ ಈ ಬಗ್ಗೆ ಚರ್ಚೆ ಅನಗತ್ಯ. ದಯಮಾಡಿ ಸಭೆ ನಡೆಸಲು ಅವಕಾಶ ಮಾಡಿಕೊಡಿ ಎಂದು ವಿಪಕ್ಷಗಳಲ್ಲಿ ಮನವಿ ಮಾಡಿದರು.
ಈ ವೇಳೆ ಜೆಡಿಎಸ್‌ ಸದಸ್ಯರು ಧ್ವನಿಗೂಡಿಸಿದ್ದರಿಂದ ಸಭೆಯಲ್ಲಿ ಗೊಂದಲ ನಿರ್ಮಾಣವಾಯಿತು. ವಿಧಾನ ಪರಿಷತ್‌ ಸದಸ್ಯ ಕೆ.ಟಿ. ಶ್ರೀಕಂಠೇಗೌಡ ಮಧ್ಯ ಪ್ರವೇಶಿಸಿ ಪಾಲಿಕೆ ಇತಿಹಾಸದಲ್ಲಿ ಇಂತಹ ಬೆಳವಣಿಗೆ ನಡೆದಿರಲಿಲ್ಲ. ಈಗ ಸಭೆ ನಡೆಸಲು ತಾಂತ್ರಿಕ ಸಮಸ್ಯೆ ಇದೆ. ಒಂದು ವೇಳೆ ಸಭೆ ನಡೆದರೆ ಮುಂದೆ ಹೊದ ಗೊಂದಲಗಳಿಗೆ ನಾಂದಿ ಹಾಡಲಿದೆ ಎಂದು ಎಚ್ಚರಿಸಿದರು.
ಆದೇಶ ಪ್ರತಿ ನೀಡಿ: ಜತೆಗೆ ವಿಧಾನ ಪರಿಷತ್‌ ಸದಸ್ಯ ಸಿ.ಎನ್‌. ಮಂಜೇಗೌಡ ಮಾತನಾಡಿ, ಮೇಯರ್‌ ಅವಧಿ ಪೂರ್ಣಗೊಂಡಿದ್ದರೂ ಕೌನ್ಸಿಲ್‌ ನಡೆಸುವುದಕ್ಕೆ ಸರ್ಕಾರ ಅನುಮತಿ ನೀಡಿದ್ದರೆ ಆದೇಶ ಪ್ರತಿ ನೀಡಿ. ಇಲ್ಲವಾದರೆ ಇದೆ ಗೊಂದಲ ಮುಂದುವರೆಯಲಿದೆ. ನಿಮಗೆ ಸಭೆ ನಡೆಸಲು ಅಧಿಕಾರವಿದ್ದರೆ ಸ್ಥಾಯಿ ಸಮಿತಿ ಸದಸ್ಯರಿಗೂ ಅಧಿಕಾರ ನೀಡಿ ಎಂದು ಪಟ್ಟ ಹಿಡಿದರು.
ಬಳಿಕ ಪಾಲಿಕೆ ಐದು ಸ್ಥಾಯಿ ಸಮಿತಿ ಅಧ್ಯಕ್ಷರು ನಮಗೆ ಅಧಿಕಾರ ಮುಂದುವರೆಯುವ ಜತೆಗೆ ಸಭೆ ನಡೆಸುವ ಅಧಿಕಾರ ಇರುವ ಬಗ್ಗೆ ಈಗಲೇ ಸ್ಪಷ್ಟಪಡಿಸಿ ಎಂದು ಪಟ್ಟು ಹಿಡಿದು ಸದನದ ಬಾವಿಗಿಳಿದರು. ಇದರಿಂದ ಮತ್ತಷ್ಟು ಗೊಂದಲ ನಿರ್ಮಾಣವಾದ್ದರಿಂದ ಮೇಯರ್‌ ಒಂದು ಗಂಟೆಯ ಕಾಲ ಸಭೆಯನ್ನು ಮುಂದೂಡಿದರು. 5.50ಕ್ಕೆ ಮತ್ತೆ ಸಭೆ ಆರಂಭವಾದರೂ ಜೆಡಿಎಸ್‌ ಮತ್ತು ಕಾಂಗ್ರೆಸ್‌ ಸದಸ್ಯರು ಮೇಯರ್‌ ಕೌನ್ಸಿಲ್‌ ಸಭೆ ನಡೆಸುವುದು ಸಿಂಧು ಆಗಲಿದೆಯೇ ಎಂದು ಚರ್ಚೆಗಿಳಿದರು. ಇದರಿಂದ ಕೆರಳಿದ ಮೇಯರ್‌ ಕಾರ್ಯಸೂಚಿ 10ರಲ್ಲಿದ್ದ ಮೈಸೂರು ನಗರದಲ್ಲಿ ಗ್ಯಾಸ್‌ ಪೈಪ್‌ಲೈನ್‌ ಅಳವಡಿಕೆಗೆ ನೀಡಲಾಗಿದೆ ಎಂದು ಹೇಳಿ ಸಭೆ ಮುಕ್ತಾಯಗೊಳಿಸಿ ಹೊರನಡೆದರು.
ಇದರಿಂದ ಬಿಜೆಪಿ ಸದಸ್ಯರು ಖುಷಿಯಿಮದ ಟೇಬಲ್‌ ಕುಟ್ಟಿ ಸ್ವಾಗತಿಸಿದರೆ, ಕಾಂಗ್ರೆಸ್‌ ಮತ್ತು ಜೆಡಿಎಸ್‌ ಸದಸ್ಯರು ಚರ್ಚೆಯೇ ನಡೆಸದೇ ಗ್ಯಾಸ್‌ ಪೈಪ್‌ಲೈನ್‌ ಅಳವಡಿಕೆಗೆ ಅನುಮತಿ ನೀಡಿರುವುದು ಅಸಿಂಧು ಹಾಗೂ ಮೇಯರ್‌ ಅವಧಿ ಮುಗಿದರೂ ಕೌನ್ಸಿಲ್‌ ನಡೆಸಿರುವುದು ಅಸಿಂಧು ಎಂದು ಸದನದ ಬಾವಿಗಿಳಿದು ಮೇಯರ್‌ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿ ರಾತ್ರಿವರೆಗೂ ಧರಣಿ ನಡೆಸಿದರು.
ಸಭೆಯಲ್ಲಿ ಉಪ ಮೇಯರ್‌ ಅನ್ವರ್‌ ಬೇಗ್‌, ಆಡಳಿತ ಮತ್ತು ವಿಪಕ್ಷ ಸದಸ್ಯರು ಇದ್ದರು.