ಅಲಿಗಢ ವಿವಿಯಲ್ಲಿರುವ ಜಿನ್ನಾ ಫೋಟೋ ಪಾಕ್‌ಗೆ ಕಳುಹಿಸುತ್ತೇನೆ

ಅಲಿಗಢ : ಮುಸ್ಲಿಂ ವಿವಿಯಲ್ಲಿರುವ ಜಿನ್ನಾ ಫೋಟೋವನ್ನು ಪಾಕಿಸ್ಥಾನಕ್ಕೆ ಕಳುಹಿಸುವುದೇ ನನ್ನ ಮೊದಲ ಕೆಲಸ ಎಂದು ನೂತನ ಬಿಜೆಪಿ ಸಂಸದ ಸತೀಶ್‌ ಕುಮಾರ್‌ ಗೌತಮ್‌ ಹೇಳಿದ್ದಾರೆ.

ಅಲಿಗಢ ಕ್ಷೇತ್ರದಲ್ಲಿ ಭರ್ಜರಿ ಗೆಲುವು ಸಾಧಿಸಿದ ಬಳಿಕ ಸುದ್ದಿಸಂಸ್ಥೆಯೊಂದರೊಂದಿಗೆ ಮಾತನಾಡಿದ ಸತೀಶ್‌ ಕುಮಾರ್‌ , ಅಲಿಗಡ ವಿವಿಯ ಮುಚ್ಚಿದ ಕೋಣೆಯೊಂದರಲ್ಲಿ ಇರುವ ಮೊಹಮದ್‌ ಅಲಿ ಜಿನ್ನಾ ಅವರ ಭಾವಚಿತ್ರವನ್ನು ಪಾಕಿಸ್ಥಾನಕ್ಕೆ ಕಳುಹಿಸುವುದೇ ನನ್ನ ಮೊದಲ ಆಧ್ಯತೆಯ ಕೆಲಸ ಎಂದರು.

ಅಲಿಗಡ ವಿವಿಯಲ್ಲಿ ಮಹಾತ್ಮಾ ಗಾಂಧೀಜಿ , ನೆಹರು ರವರ ಭಾವಚಿತ್ರಗಳೊಂದಿಗೆ ಇಡಲಾಗಿದ್ದ ಜಿನ್ನಾ ಅವರ ಭಾವಚಿತ್ರ ಭಾರಿ ವಿವಾದಕ್ಕೆ ಕಾರಣವಾಗಿತ್ತು ಮತ್ತು ವಿದ್ಯಾರ್ಥಿ ಸಂಘಟನೆಗಳ ನಡುವೆ ಘರ್ಷಣೆಗೂ ಕಾರಣವಾಗಿತ್ತು.