“ವರ್ಲ್ಡ್ ಡ್ವಾರ್ಫ್ ಗೇಮ್ಸ್‌’ನಲ್ಲಿ ಸಿನಿಮೋಳ್‌ ಸ್ಪರ್ಧೆ

ಎರ್ನಾಕುಳಂ: ಜರ್ಮನಿಯಲ್ಲಿ ನಡೆಯ ಲಿ ರುವ “ವರ್ಲ್ಡ್ ಡ್ವಾರ್ಫ್ ಗೇಮ್ಸ್‌ 2023’ರಲ್ಲಿ ಕೇರಳದ ಸಿನಿಮೋಳ್‌ ಕೆ. ಸೆಬಾಸ್ಟಿಯನ್‌ ಭಾಗವಹಿಸುತ್ತಿದ್ದಾರೆ. ಇವರಿಗೆ ಚಿನ್ನದ ಮೇಲೆ ಸಾಲ ನೀಡುವ ಭಾರತದ ಅತೀ ದೊಡ್ಡ ಎನ್‌ಬಿಎಫ್ಸಿ “ಮುತ್ತೂಟ್‌ ಫೈನಾನ್ಸ್‌’ ಅಗತ್ಯ ನೆರವು ನೀಡುತ್ತಿದೆ.

120 ಸೆಂ.ಮೀ. ಎತ್ತರವಿರುವ ಸಿನಿ ಮೋಳ್‌ ಅವರು ತಮ್ಮ ಎಲ್ಲ ಸಂಕಷ್ಟಗಳು, ಅಡೆ-ತಡೆಗಳನ್ನು ಮೀರಿ, ಜು.28ರಿಂದ ಆ.5ರವರೆಗೆ ನಡೆಯ ಲಿರುವ “ವಿಶ್ವ ಕುಬ್ಜರ ಕ್ರೀಡಾಕೂಟ 2023’ರ ಸ್ಪರ್ಧೆಗಳಲ್ಲಿ ಭಾಗವಹಿಸುತ್ತಿ ದ್ದಾರೆ. ಅವರು ಈಜು ವಿಭಾಗಗಳಾದ ಬ್ರೆಸ್ಟ್ರೋಕ್‌, ಫ್ರೀಸ್ಟೈಲ್‌ ಹಾಗೂ ಶಾಟ್‌ಪುಟ್‌, ಜಾವೆಲಿನ್‌ ಥ್ರೋ, ಡಿಸ್ಕಸ್‌ ಥ್ರೋ ಮತ್ತು ಬೋಶಿಯಾ ಕ್ರೀಡೆಗಳಲ್ಲಿ ಪಾಲ್ಗೊಳ್ಳಲಿದ್ದಾರೆ.

ಭಾರತೀಯ ಕ್ರೀಡಾ ಪ್ರತಿಭೆಗಳಿಗೆ ಪ್ರೋತ್ಸಾಹಿಸುವ ಬದ್ಧತೆಯಿಂದ “ಮುತ್ತೂ ಟ್‌ ಫೈನಾನ್ಸ್‌’ ಅಂತಾರಾಷ್ಟ್ರೀಯ ವೇದಿಕೆಗಳಲ್ಲಿ ಭಾರತವನ್ನು ಪ್ರತಿನಿಧಿ ಸುತ್ತಿರುವ ಸಿನಿಮೋಳ್‌ ಅವರಿಗೆ ಅಗತ್ಯ ನೆರವು ಒದಗಿಸುತ್ತಿದೆ. ಜರ್ಮನಿ ಪ್ರವಾ ಸದ ಸಂಪೂರ್ಣ ವೆಚ್ಚವನ್ನು ಕಂಪೆನಿ ಭರಿಸುತ್ತಿದೆ.

ಕೇರಳದ ಸಣ್ಣ ಪಟ್ಟಣದಿಂದ ಬಂದಿರುವ ಸಿನಿಮೋಳ್‌ ಅವರು, ಕ್ರೀಡೆ ಮೇಲಿನ ಅಪಾರ ಒಲವಿನ ಕಾರಣ ಅಗತ್ಯ ತರಬೇತಿ ಪಡೆದು, ವಿವಿಧ ರಾಷ್ಟ್ರೀಯ ಕ್ರೀಡಾಕೂಟಗಳಲ್ಲಿ ಭಾಗವಹಿ ಸಿ ದ್ದಾರೆ. 2022ರ ರಾಷ್ಟ್ರೀಯ ಪ್ಯಾರಾ ಸ್ವಿಮ್ಮಿಂಗ್‌ ಚಾಂಪಿಯನ್‌ಶಿಪ್‌ನಲ್ಲಿ ಬೆಳ್ಳಿ ಪದಕ ಪಡೆದಿದ್ದಾರೆ.

ಈಗ ಜರ್ಮನಿಯಲ್ಲಿ ನಡೆಯುತ್ತಿರುವ 8ನೇ “ವರ್ಲ್ಡ್ ಡ್ವಾರ್ಫ್ ಗೇಮ್ಸ್‌’ನಲ್ಲಿನ ವಿವಿಧ ಸ್ಪರ್ಧೆಗಳಲ್ಲಿ ಸಿನಿಮೋಳ್‌ ಭಾರತವನ್ನು ಪ್ರತಿನಿಧಿ ಸುತ್ತಿದ್ದಾರೆ.

ಈ ಕುರಿತ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಮುತ್ತೂಟ್‌ ಫೈನಾನ್ಸ್‌ ಉಪ ವ್ಯವಸ್ಥಾಪಕ ನಿರ್ದೇಶಕ ಜಾರ್ಜ್‌ ಎಂ. ಜಾರ್ಜ್‌ “ಸಮಾಜಕ್ಕೆ ಕೊಡುಗೆ ನೀಡಬೇಕೆಂಬ ಮುತ್ತೂಟ್‌ ಫೈನಾನ್ಸ್‌ ಧ್ಯೇಯದೊಂದಿಗೆ, ಜಾಗತಿಕವಾಗಿ ಭಾರತವನ್ನು ಪ್ರತಿನಿಧಿಸುತ್ತಿರುವ ಸಿನಿ ಮೋಳ್‌ ಅವರಿಗೆ ಪ್ರೋತ್ಸಾಹ ನೀಡು ತ್ತಿರುವುದು ಹೆಮ್ಮೆಯ ವಿಷಯ,’ ಎಂದು ಹೇಳಿದ್ದಾರೆ.

ದೇಶದಲ್ಲಿ ಮುತ್ತೂಟ್‌ ಫೈನಾನ್ಸ್‌ 500ಕ್ಕೂ ಹೆಚ್ಚು ಶಾಖೆಗಳನ್ನು ಹೊಂದಿವೆ. ಅಲ್ಲದೇ ಅಮೆರಿಕ, ಬ್ರಿಟನ್‌, ಯುಎಇ, ಕೋಸ್ಟರಿಕಾ, ನೇಪಾಲ ಮತ್ತು ಶ್ರೀಲಂಕಾ ದಲ್ಲೂ ಶಾಖೆಗಳನ್ನು ಹೊಂದಿದೆ.