ಮೃಗ ಮುಹೂರ್ತ

ಮನುಷ್ಯತ್ವ ಇಲ್ಲದವರನ್ನು “ಮೃಗ’ ಎಂದು ಕರೆಯುವುದನ್ನ ಕೇಳಿರುತ್ತೀರಿ. ಈಗ ಇದೇ “ಮೃಗ’ ಎನ್ನುವ ಪದ ಸಿನಿಮಾವೊಂದರ ಟೈಟಲ್‌ ಆಗಿ ತೆರೆಮೇಲೆ ಬರುತ್ತಿದೆ. ಹಿಂದೆ “ನಾನೊಬ್ನೆ ಒಳ್ಳೆವ್ನು’ ಚಿತ್ರದಲ್ಲಿ ನಾಯಕನಾಗಿ ಕಾಣಿಸಿಕೊಂಡಿದ್ದ ಖ್ಯಾತಿಯ ವಿಜಯ್‌ ಮಹೇಶ್‌ ಈ ಚಿತ್ರದ ನಾಯಕನಾಗಿ ಮತ್ತು ನಿಖೀತಾ ಸ್ವಾಮಿ ನಾಯಕಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ.

ಸದ್ಯ ಪ್ರೀ-ಪ್ರೂಡಕ್ಷನ್‌ ಕೆಲಸಗಳನ್ನು ಪೂರ್ಣ ಗೊಳಿಸಿರುವ ಚಿತ್ರತಂಡ, ಇತ್ತೀಚೆಗೆ ಮುಹೂರ್ತವನ್ನು ಆಚರಿಸಿಕೊಂಡು ಸೆಟ್ಟೇರಿದೆ. ಎಂ.ಆರ್‌ ಶಶಿಕುಮಾರ್‌ ನಿರ್ಮಿಸು ತ್ತಿರುವ ಈ ಚಿತ್ರವನ್ನು, ಹೆಚ್‌.ಎಂ.ಮಾರುತಿ ನಿರ್ದೇಶಿಸುತ್ತಿದ್ದಾರೆ. ಚಿತ್ರದ ಕಥೆಯ ಬಗ್ಗೆ

ಮಾತನಾಡಿದ ನಿರ್ದೇಶಕ ಹೆಚ್‌.ಎಂ ಮಾರುತಿ, ಇದೊಂದು ಸಸ್ಪೆನ್ಸ್‌ ಥ್ರಿಲ್ಲರ್‌ ಚಿತ್ರ ವಾಗಿದ್ದು, ಇದರಲ್ಲಿ ನಡೆಯುವ ಕ್ರೈ,ಮ್ ಗಳಿಗೆ ಕಾರಣವೇನು? ಅದರ ಹಿಂದೆ ಯಾರಿದ್ದಾರೆ? ಎನ್ನುವುದು ಚಿತ್ರದ ಒನ್‌ ಲೈನ್‌ ಕಥೆ’ ಎನ್ನುತ್ತಾರೆ. ಚಿತ್ರದ ಕಥೆ ಕೇಳಿ ಇಷ್ಟವಾಗಿದ್ದರಿಂದ ನಾಯಕ ವಿಜಯ್‌ ಮಹೇಶ್‌ ಈ ಚಿತ್ರ ಒಪ್ಪಿಕೊಂಡಿದ್ದಾರಂತೆ. ಅನಿಲ್‌ ಕುಮಾರ್‌ ಛಾಯಾಗ್ರಹಣ ಹಾಗೂ ಮನೀಶ್‌ ಸಂಕಲನ ಈ ಚಿತ್ರಕ್ಕಿದೆ. ಉಳಿದ ತಾರಾಬಳಗ ಹಾಗೂ ತಾಂತ್ರಿಕವರ್ಗದ ಆಯ್ಕೆ ನಡೆಯುತ್ತಿದೆ.