ವಿಜಯಪುರ: ಜಿಲ್ಲೆಯ ಇಂಡಿ ತಾಲೂಕಿ ಖೇಡಗಿ ಗ್ರಾಮದಲ್ಲಿ ಮಾವ, ಸೊಸೆಯ ಜೋಡಿ ಹತ್ಯೆ ಮಾಡಿರುವ ದುರ್ಘಟನೆ ರವಿವಾರ ವರದಿಯಾಗಿದೆ.
ಹತ್ಯೆಯಾದವರನ್ನು ಶಿರಗೂರು ಗ್ರಾಮದ ಮಾವ ಮಾಳಪ್ಪ ದರ್ಮಣ್ಣ ಪೂಜಾರಿ (65) ಹಾಗೂ ಸೊಸೆ ರೇಣುಕಾ ಪುಟ್ಟಣ್ಣ ಪೂಜಾರಿ (35) ಎಂದು ಗುರುತಿಸಲಾಗಿದೆ.
ಇಂಡಿ ತಾಲೂಕಿನ ಖೇಡಗಿ ಕ್ರಾಸ್ ಬಳಿಯ ತೋಟದ ಮನೆಯಲ್ಲಿ ಮಾವ ಹಾಗೂ ಸೊಸೆಯನ್ನು ಮಾರಕಾಸ್ತ್ರಗ ಳಿಂದ ಹತ್ಯೆ ಮಾಡಲಾಗಿದೆ.
ಮಾವ ಸೊಸೆ ಇಬ್ಬರೂ ಖೇಡಗಿಯ ಶ್ರೀಶೈಲ ಸೊನ್ನ ಅವರ ಜಮೀನಿನಲ್ಲಿ ಕೂಲಿ ಕೆಲಸಕ್ಕೆ ಇದ್ದರು.
ಈ ಕುರಿತು ಇಂಡಿ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಸದರಿ ಹತ್ಯೆಯನ್ನು ಕೊಲೆಯಾದ ರೇಣುಕಾಳ ಪತಿ ಪುಟ್ಟಣ್ಣನೇ ಕೊಲೆ ಮಾಡಿರುವ ಶಂಕೆ ಗ್ರಾಮದಲ್ಲಿ ಹರಡಿದೆ.
