ಮುಂಡರಗಿ: ಬೈಕ್‌ ನಲ್ಲಿ ಹೋಗುತ್ತಿದಾಗ ಆಯತಪ್ಪಿ ಬಿದ್ದು ಸವಾರ ಸಾವು

ಮುಂಡರಗಿ: ಬೈಕ್‌ ನಲ್ಲಿ ಹೋಗುತ್ತಿದ್ದ ಸಂದರ್ಭ ಆಯತಪ್ಪಿ ಬಿದ್ದು ಸವಾರನೊಬ್ಬ ಸಾವನ್ನಪ್ಪಿದ ಘಟನೆ ತಾಲೂಕಿನ ಬೂದಿಹಾಳ – ಬೆಣ್ಣಿಹಳ್ಳಿ ರಸ್ತೆಯಲ್ಲಿ ಸೆ. 21 ರ ತಡರಾತ್ರಿ ಸಂಭವಿಸಿದೆ.

ಬೈಕ್‌ ಸವಾರ ಬೀಡನಾಳ ಗ್ರಾಮದ ನಿವಾಸಿ ಮಾಯಪ್ಪ ಬೀರಪ್ಪ ವಡ್ಡಟ್ಟಿ (38) ಎಂದು ತಿಳಿದು ಬಂದಿದೆ.

ಮಾಯಪ್ಪನು ಗೌಂಡಿ ಕೆಲಸದ ನಿಮಿತ್ತ ಬೂದಿಹಾಳ ಗ್ರಾಮಕ್ಕೆ ಹೋಗಿ ಮರಳಿ ಬರುವಾಗ ಈ ಘಟನೆ ಸಂಭವಿಸಿದ್ದು, ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸುತ್ತಿದ್ದಾರೆ.