ಪರಿಮಿತಿ ವಲಯಕ್ಕೆ ಸೆನ್ಸೆಕ್ಸ್‌, ನಿಫ್ಟಿ:ಮುಂಬಯಿ ಶೇರು 12 ಅಂಕ ನಷ್ಟ

ಮುಂಬಯಿ : ಮೂರು ದಿನಗಳ ನಿರಂತರ ಏರುಗತಿಯನ್ನು ಕಾಯ್ದುಕೊಂಡಿದ್ದ ಮುಂಬಯಿ ಶೇರು ಪೇಟೆಯ ಸೆನ್ಸೆಕ್ಸ್‌ ಸೂಚ್ಯಂಕ ಇಂದು ಮಂಗಳವಾರದ ವಹಿವಾಟನ್ನು 12.31 ಅಂಕಗಳ ನಷ್ಟದೊಂದಿಗೆ ಕೊನೆಗೊಳಿಸಿ ನಿರಾಶೆ ಉಂಟುಮಾಡಿದೆ.

ಇದೇ ರೀತಿ ರಾಷ್ಟ್ರೀಯ ಶೇರು ಮಾರುಕಟ್ಟೆಯ ನಿಫ್ಟಿ ಸೂಚ್ಯ,ಕ 12.75 ಅಂಕಗಳ ನಷ್ಟಕ್ಕೆ ಗುರಿಯಾಗಿ 8,792.30 ಅಂಕಗಳ ಮಟ್ಟದಲ್ಲಿ ದಿನದ ವಹಿವಾಟನ್ನು ಸಪ್ಪೆಯಾಗಿ ಕೊನೆಗೊಳಿಸಿದೆ. 

ಇಂದಿನ ವಹಿವಾಟಿನಲ್ಲಿ ಶೇರು ಪೇಟೆಯನ್ನು ಬಹುವಾಗಿ ಆಧರಿಸಿದ ಶೇರುಗಳೆಂದರೆ ರಿಲಯನ್ಸ್‌ ಇಂಡಸ್ಟ್ರೀಸ್‌ ಮತ್ತು ಭಾರ್ತಿ ಏರ್‌ಟೆಲ್‌. ಇವುಗಳು ಶೇ.2ರಷ್ಟು ಏರಿದರೆ ಇವುಗಳನ್ನು ಅನುಸರಿಸಿ ಓಎನ್‌ಜಿಸಿ ಮತ್ತು ಗೇಲ್‌ ಶೇರುಗಳು ಉತ್ತಮ ಖರೀದಿಯನ್ನು ಆಕರ್ಷಿಸಿದವು. 

ಇಂದು ವ್ಯವಹಾರಕ್ಕೆ ಒಳಪಟ್ಟ ಶೇರುಗಳ ಪೈಕಿ 1,037 ಶೇರುಗಳು ಮುನ್ನಡೆ ಸಾಧಿಸಿದವು; 1,799 ಶೇರುಗಳು ಹಿನ್ನಡೆಗೆ ಗುರಿಯಾದವು; 166 ಶೇರುಗಳು ಯಾವುದೇ ಬದಲಾವಣೆ ಕಾಣಲಿಲ್ಲ.

ಇಂದಿನ ಟಾಪ್‌ ಗೇನರ್‌ಗಳು : ಗೇಲ್‌, ಭಾತಿರ ಏರ್‌ಟೆಲ್‌, ರಿಲಯನ್ಸ್‌, ಓಎನ್‌ಜಿಸಿ, ಐಸಿಐಸಿಐ ಬ್ಯಾಂಕ್‌, ಐಡಿಯಾ ಸೆಲ್ಯುಲರ್‌ ಮತ್ತು ಈಶರ್‌ ಮೋಟರ್‌. ಟಾಪ್‌ ಲೂಸರ್‌ಳು : ಟಾಟಾ ಮೋಟರ್‌, ಹೀರೋ ಮೋಟೋ ಕಾರ್ಪ್‌, ಎಚ್‌ಯುಎಲ್‌, ಮಾರುತಿ ಸುಜುಕಿ, ಬಜಾಜ್‌ ಆಟೋ, ಟಾಟಾ ಮೋಟರ್‌, ಡಿವಿಆರ್‌, ಬಿಪಿಸಿಎಲ್‌, ಝೀ ಎಂಟರ್‌ಟೇನ್‌ಮೆಂಟ್‌.