ಮುಂಬಯಿ: ಲಾಲ್ಮತಿ ಕೊಳೆಗೇರಿಯಲ್ಲಿ ಬೆಂಕಿ, ಆಗಸದೆತ್ತರ ಕಪ್ಪು ಹೊಗೆ

ಮುಂಬಯಿ : ನಗರದಾಸ್‌ ರಸ್ತೆಯಲ್ಲಿನ ಬಾಂದ್ರಾ ಫೈರ್‌ ಸ್ಟೇಶನ್‌ ಎದುರುಗಡೆ ಇರುವ ಲಾಲ್ಮತಿ ಕೊಳೆಗೇರಿಯಲ್ಲಿ ಇಂದು ಮಂಗಳವಾರ ಮೂರನೇ ಮಟ್ಟದ ತೀವ್ರತೆಯ ಅಗ್ನಿ ಆಕಸ್ಮಿಕ ಸಂಭವಿಸಿದ್ದು ಸುಮಾರು 8 ವಾಟರ್‌ ಟ್ಯಾಂಕುಗಳು ಮತ್ತು 9 ಅಗ್ನಿ ಶಾಮಕಗಳು ಬೆಂಕಿ ನಂದಿಸುವ ಕೆಲಸದಲ್ಲಿ ನಿರತವಾಗಿವೆ. ರಕ್ಷಣಾ ಕಾರ್ಯಾಚರಣೆಯೂ ಭರದಿಂದ ಸಾಗಿದೆ. 

ಬೆಳಗ್ಗೆ ಸುಮಾರು 11.30ರ ಹೊತ್ತಿಗೆ ನರ್ಗಿಸ್‌ ದತ್‌ ನಗರದ ಹಿಂಭಾದಲ್ಲಿರುವ ಕೊಳೆಗೇರಿಯಲ್ಲಿ ಬೆಂಕಿಯ ಜ್ವಾಲೆಗಳು ಕಾಣಿಸಿಕೊಂಡವು. 

ಬೆಂಕಿ ದುರಂತದಲ್ಲಿ ಯಾವುದೇ ಸಾವು ನೋವು ಸಂಭವಿಸಿರುವ ವರದಿಗಳು ಈ ತನಕ ಬಂದಿಲ್ಲ.  ಬೆಂಕಿ ಎದ್ದ ತಾಣದಲ್ಲಿ ದಟ್ಟನೆಯ ಕಪ್ಪು ಹೊಗೆ ಆಗಸದೆತ್ತರ ಏರುವುದು ಕಂಡು ಬರುತ್ತಿತ್ತು.