ಎಟಿಎಂನಲ್ಲಿ ಯುವತಿಗೆ ಲೈಂಗಿಕ ಕಿರುಕುಳ; ವಿಡಿಯೋ ಆಧಾರದಲ್ಲಿ ವ್ಯಕ್ತಿ ಅರೆಸ್ಟ್‌

ಮುಂಬಯಿ : ಇಲ್ಲಿನ ಮುಳುಂದ್‌ ಎಟಿಎಂ ನಲ್ಲಿ 23ರ ಹರೆಯದ ಯುವತಿಗೆ ಲೈಂಗಿಕ ಕಿರುಕುಳ ಕೊಟ್ಟ ವ್ಯಕ್ತಿಯನ್ನು ಪೊಲೀಸರು ಬಂಧಿಸಿದ್ದಾರೆ.

ಆಟೋ ರಿಕ್ಷಾ ಚಾಲಕನಿಗೆ ಹಣ ಪಾವತಿಸುವುದಕ್ಕಾಗಿ ಯುವತಿಯು ಹಣ ಡ್ರಾ ಮಾಡಲು ಎಟಿಎಂ ಗೆ ಹೋಗಿದ್ದಳು. ಅಲ್ಲಿ ತಾಂತ್ರಿಕ ಸಮಸ್ಯೆ ಎದುರಾಯಿತು. ಆಗ ಎಟಿಎಂ ಗೆ ಒಬ್ಬ ವ್ಯಕ್ತಿ ಪ್ರವೇಶಿಸಿದ. ಯುವತಿಗೆ ನೆರವಾಗುವುದಾಗಿ ಹೇಳಿದ. ಆದರೆ ಯುವತಿ ಅದನ್ನು ತಿರಸ್ಕರಿಸಿದಳು. ಆದರೂ ಆ ವ್ಯಕ್ತಿ ಬಿಡದೆ ಅಕೆಯೊಂದಿಗೆ ಲೈಂಗಿಕ ದುರ್ವರ್ತನೆ ತೋರಿದ.

ಈ ಇಡಿಯ ಪ್ರಹಸವನ್ನು ಯುವತಿ ತನ್ನ ಸ್ಮಾರ್ಟ್‌ ಫೋನಿನಲ್ಲಿ ವಿಡಿಯೋ ಮಾಡಿಕೊಂಡಿದ್ದಳು. ಇದನ್ನು ತಿಳಿಯುತ್ತಲೇ ಆರೋಪಿ ಅಲ್ಲಿಂದ ಪರಾರಿಯಾದ.

ಒಡನೆಯೇ ಯುವತಿ ಪೊಲೀಸರಿಗೆ ದೂರು ನೀಡಿ ತನ್ನಲ್ಲಿನ ವಿಡಿಯೋ ಸಾಕ್ಷ್ಯ ನೀಡಿದಳು. ಪೊಲೀಸರು ಕೂಡಲೇ ಆರೋಪಿಯನ್ನು ಪತ್ತೆ ಹಚ್ಚಿ ಸೆರೆ ಹಿಡಿದರು. ಮೇಲಾಗಿ ಯುವತಿಯು ತನ್ನ ಮೇಲಾದ ಲೈಂಗಿಕ ಕಿರುಕುಳದ ವಿಡಿಯೋವನ್ನು ಟ್ವಿಟರ್‌ಗೆ ಅಪ್‌ಲೋಡ್‌ ಮಾಡಿದ್ದಳು.