Mulki ಬಪ್ಪನಾಡು: ಹೆದ್ದಾರಿ ಬದಿ ನಿಲ್ಲಿಸಿದ್ದ ಬೈಕ್‌ ಕಳವು

ಮೂಲ್ಕಿ: ಇಲ್ಲಿಯ ಬಪ್ಪನಾಡು ದೇವಸ್ಥಾನ ಎದುರಿನ ಹೆದ್ದಾರಿಯ ಸಮೀಪದಲ್ಲಿ ಪಾರ್ಕ್‌ ಮಾಡಿದ್ದ ಬೈಕ್‌ ಕಳ್ಳತನವಾಗಿರುವ ಬಗ್ಗೆ ಮೂಲ್ಕಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಇದೇ ರೀತಿಯಲ್ಲಿ ಮಂಗಳೂರು ಪಾಂಡೇಶ್ವರ ಠಾಣೆಯಲ್ಲೂ ಬೈಕ್‌ ಕಳ್ಳತನದ ದೂರು ದಾಖಲಾಗಿದ್ದು ಮೂಲ್ಕಿಯ ನಿತೇಶ್‌ ಭಂಡಾರಿ ಅವರು ಟೋಲ್‌ ಬಳಿ ಪರಿಶೀಲನೆ ನಡೆಸಿದಾಗ ಈ ಎರಡು ಬೈಕ್‌ಗಳು ಉಡುಪಿಯತ್ತ ತೆರಳಿರುವುದು ಸಿಸಿ ಕೆಮರಾ ಪರಿಶೀಲನೆ ವೇಳೆ ಕಂಡುಬಂದಿದೆ. ಈ ಎರಡು ಬೈಕ್‌ಗಳು ಉಡುಪಿ ಉದ್ಯಾವರ ಪರಿಸರದಲ್ಲಿ ತಿರುಗಾಟ ನಡೆದ ಬಗ್ಗೆ ಪೊಲೀಸರು ಮಾಹಿತಿ ಪಡೆದಿದ್ದಾರೆ.