ಮುಧೋಳ: ಘಟಪ್ರಭಾ ನದಿ ಉಕ್ಕೇರಿ ಹರಿಯುವ ಸಂದರ್ಭದಲ್ಲಿ ಹಳ್ಳದಲ್ಲಿ ಅಕ್ರಮವಾಗಿ ಬೋಟ್‌ನಿಂದ ಮರಳು ದಂಧೆ ನಡೆಸಿರುವ ಖದೀಮರು, ಇದೀಗ ನದಿ ಪಾತ್ರದಲ್ಲಿ ನೀರು ಕಡಿಮೆಯಾಗಿರುವ ಹಿನ್ನೆಲೆ ತಮ್ಮ ಬೋಟ್‌ನ್ನು ನದಿ ಒಡಲಿಗೆ ನುಗ್ಗಿಸಿ ತಮ್ಮ ದಂಧೆ ಮುಂದುವರಿಸಿದ್ದಾರೆ. ಒಂಟಗೋಡಿ ಗ್ರಾಮದಿಂದ 2-3 ಕಿ.ಮೀ ವ್ಯಾಪ್ತಿಯಲ್ಲಿರುವ ಹಳ್ಳದಲ್ಲಿ ಈ ಮೊದಲು ಅಕ್ರಮವಾಗಿ ಬೋಟ್‌ನಿಂದ ಮರಳು ದಂಧೆ ನಡೆಸುತ್ತಿದ್ದರು. ಆದರೆ ಹಳ್ಳದಲ್ಲಿನ ಮರಳು ಗುಣಮಟ್ಟದಿಂದ ಕೂಡಿರದ ಕಾರಣ ಮರಳಿಗೆ ಬೇಡಿಕೆ ಕಡಿಮೆಯಾಗಿರುವುದನ್ನು ಅರಿತ ಖದೀಮರು ತಮ್ಮ ಬೋಟ್‌ನ್ನು ನದಿಗೆ ಸ್ಥಳಾಂತರಿಸಿದ್ದಾರೆ.
Advertisement
ಅಕ್ರಮ ಮರಳು ದಂಧೆಕೋರರು ಟ್ರಾಕ್ಟರ್‌ಗಳ ಮೂಲಕ ಮುಧೋಳ ನಗರ ಸೇರಿದಂತೆ ತಾಲೂಕಿನ ಹಲವಾರು ಹಳ್ಳಿಗಳಿಗೆ ಮರಳು ಸರಬರಾಜು ಮಾಡುತ್ತಾರೆ. ಹಳ್ಳದಲ್ಲಿನ ಬೋಟ್‌ ತೆರವುಗೊಳಿಸಿದ್ದರೂ ಹಲವಾರು ಜನರು ಹಳ್ಳದ ಮರಳನ್ನೇ ಸಿಮೆಂಟ್‌ ಚೀಲದಲ್ಲಿ ತುಂಬಿಕೊಂಡು ಹೊತ್ತೂಯ್ಯುತ್ತಿದ್ದಾರೆ.
ಹಲವಾರು ಅನುಮಾನ ಮೂಡುತ್ತದೆ. ಮುಖ್ಯ ರಸ್ತೆಗೆ ಹೊಂದಿಕೊಂಡ ಕಡ್ಡಾ: ಅಕ್ರಮ ಮರಳುಗಾರಿಕೆ ಎಂದರೆ ಹೆದರಿಕೆಯಿಂದ ಮಾಡುತ್ತಾರೆ. ಪೊಲೀಸರು ವಿವಿಧ ಇಲಾಖೆ ಅಧಿಕಾರಿಗಳ ಭಯದಲ್ಲಿ ನಿತ್ಯ ವ್ಯವಹಾರ ನಡೆಸುತ್ತಾರೆ ಎಂಬುದು ಸಾರ್ವಜನಿಕರ ಊಹೆ. ಆದರೆ ಈ ಹಳ್ಳದಲ್ಲಿನ ಅಳವಡಿಸಿರುವ ಕಡ್ಡಾ ಜಾಗ ಗಮನಿಸಿದರೆ ಅಕ್ರಮ ಮರಳುಕೋರರಿಗೆ ಆಡಳಿತ ಯಂತ್ರದ ಬಗ್ಗೆ ಕಿಂಚಿತ್ತೂ ಭಯವಿಲ್ಲ ಎಂಬುದು ಸಾಬೀತಾಗುತ್ತದೆ.
Related Articles
Advertisement
ಸಿಮೆಂಟ್‌ ಚೀಲದಲ್ಲಿ ಸಾಗಣೆ: ಒಂದೆಡೆ ಅಕ್ರಮ ಮರಳು ಚೋರರು ಬೋಟ್‌ ಮೂಲಕ ಹಳ್ಳದಲ್ಲಿನ ಮರಳನ್ನು ಖಾಲಿ ಮಾಡಿದ್ದರೆ, ಮತ್ತೂಂದೆಡೆ ಸ್ಥಳೀಯರು ನೂರಾರು ಸಿಮೆಂಟ್‌ ಚೀಲದಲ್ಲಿ ಮರಳನ್ನು ತುಂಬಿಕೊಂಡು ತಮಗೆ ಅನುಕೂಲವಾಗುವ ಸಮಯದಲ್ಲಿ ಟ್ರಾಕ್ಟರ್‌ ಮೂಲಕ ಸಾಗಿಸುತ್ತಾರೆ. ಆ ಮೂಲಕ ನೈಸರ್ಗಿಕ ಸಂಪತ್ತಿಗೆ ಕನ್ನ ಹಾಕುತ್ತಿದ್ದಾರೆ.
ಒಟ್ಟಿನಲ್ಲಿ ವ್ಯವಸ್ಥೆಯಲ್ಲಿನ ಲೋಪ ದುರುಪಯೋಗ ಪಡಿಸಿಕೊಳ್ಳುತ್ತಿರುವ ಮರಳು ಚೋರರು ತಾಲೂಕಿನಾ ದ್ಯಂತ ಹಗಲು ದರೋಡೆಗಿಳಿದಿದ್ದಾರೆ. ಎಲ್ಲಿಯವರೆಗೆ ಆಡಳಿತ ಯಂತ್ರ ಇಂತಹ ಖದೀಮರಿಗೆ ಬಿಸಿಮುಟ್ಟಿಸಿ ಹೆಡೆಮುರಿ ಕಟ್ಟುವುದಿಲ್ಲವೋ ಅಲ್ಲಿಯವರೆಗೆ ಇಂತಹ ದಂಧೆಗಳಿಗೆ ಕಡಿವಾಣ ಬೀಳುವುದು ಕನಸಿನ ಮಾತು.
ಒಂಟಗೋಡಿ ಗ್ರಾಮದ ಸರಹದ್ದಿನ ಹಳ್ಳದಲ್ಲಿನ ಮರಳು ಎತ್ತುವುದರ ಬಗ್ಗೆ ನನ್ನ ಗಮನಕ್ಕೆ ಬಂದಿಲ್ಲ. ಈಗ ಅಲ್ಲಿ ಮರಳುಗಾರಿಕೆ ಸ್ಥಗಿತಗೊಂಡಿದ್ದೇಯಾದರೆ ಅಲ್ಲಿ ಮುಂದೆ ಮರಳುಗಾರಿಕೆ ನಡೆಯದಂತೆ ತಡೆ ಹಾಕಲಾಗುವುದು.●ಶ್ವೇತಾ ಬೀಡಿಕರ ಉಪವಿಭಾಗಾಧಿಕಾರಿ, ಜಮಖಂಡಿ. *ಗೋವಿಂದಪ್ಪ ತಳವಾರ