ಮುದೇನೂರಿನಲ್ಲಿ ಮಹಿಳಾ ಸಾರಥ್ಯದ ಪಾರ್ವತಿ ರಥೋತ್ಸವ ಸಂಭ್ರಮ

ದೋಟಿಹಾಳ: ಸಮೀಪದ ಮುದೇನೂರು ಮಠದಲ್ಲಿ ಶುಕ್ರವಾರ ಸಂಜೆ ಮಹಿಳಾ ಸಾರಥ್ಯದ ಪಾರ್ವತಿ ರಥೋತ್ಸವು ವಿಜೃಂಭಣೆಯಿಂದ ನಡೆಯುತು.

ಸಮೀಪದ ಮುದೇನೂರು ಗ್ರಾಮದ ಉಮಾಚಂದ್ರಮೌಳೇಶ್ವರ ಜಾತ್ರೋತ್ಸವ ಗುರುವಾರದಿಂದ ಆರಂಭವಾಗಿದ್ದು. ಗುರುವಾರ ಉಮಾಚಂದ್ರಮೌಳೇಶ್ವರ ರಥೋತ್ಸವಕ್ಕೆ ಹಂಪಸಾಗರ ಷ.ಬ್ರ ಅಭಿವನ ಶಿವಲಿಂಗೇಶ್ವರ ರುದ್ರಮುನಿಸ್ವಾಮಿ ಚಾಲನೆ ನೀಡುವ ಮೂಲಕ ಮೂರುದಿನಗಳ ಕಾಲ ನಡೆಯುವು ಜಾತ್ರೆ ಆರಂಭವಾಯಿತು. ಮೊದಲ ದಿನ ಪುರುಷರು ರಥೋತ್ಸವ, ಎರಡನೇ ದಿನ ಮಹಿಳಾ ರಥೋತ್ಸವ ಹಾಗೂ ಕೊನೆ ಮೂರನೇ ದಿನ ಮಕ್ಕಳಿಂದ ರಥೋತ್ಸವ ನಡೆಯುತ್ತಾ ಬಂದಿದೆ.

ಶುಕ್ರವಾರ ಗ್ರಾಮದ ಮುತ್ತೈದೆಯರಿಗೆ ಉಡಿ ತುಂಬುವ ಕಾರ್ಯಕ್ರಮ ಹಾಗೂ ಸಂಜೆ 6ಗಂಟೆಗೆ ಸುಮಂಗಲಿಯರಿಂದ “ಪಾರ್ವತಿ ರಥೋತ್ಸವ” ವಿಜೃಂಭಣೆಯಿಂದ ನಡೆಯುತು.

ಮಹಿಳಾ ಸಬಲೀಕರಣಕ್ಕೆ ಪ್ರೋತ್ರಾಹ

ಮುದೇನೂರು ಮಠದಲ್ಲಿ ಸುಮಾರು ಐವತ್ತು ವರ್ಷಗಳಿಂದ “ಮಹಿಳಾ ದಿನಾಚರಣೆ” ಸದ್ದಿಲ್ಲದೆ ಸಾಗಿ ಬರುತ್ತಿದೆ. ಮಹಿಳೆಯರಿಗೆ ಸ್ವಾತಂತ್ರ್ಯ ನೀಡುವ ಮತ್ತು ಅದಕ್ಕೆ ಪುರುಷರ ಮನ ಒಪ್ಪುವಂತೆ ಮಾಡುವ ಒಳ್ಳೆಯ ಉದ್ದೇಶದಿಂದಲೇ ‘ಮಹಿಳಾ ರಥೋತ್ಸವ’ದ ನೆಪದಲ್ಲಿ ಮಹಿಳಾ ಸಬಲೀಕರಣಕ್ಕೆ ಪ್ರೋತ್ರಾಹ ನೀಡುವ ಅರ್ಥಪೂರ್ಣ ಆಚರಣೆ ಇದಾಗಿದೆ. ಇಲ್ಲಿ ಮಹಿಳೆಯಿರಿಗಾಗಿಯೇ ವಿಶೇಷ ಆಚರಣೆಗಳು ಶ್ರೀಮಠದ ವತಿಯಿಂದ ವಿಜ್ರಂಭಣೆಯಿಂದ ನಡೆಯಿತು.

ಸಾಮಾನ್ಯವಾಗಿ ಕೆಲವು ಕಡೆಗಳಲ್ಲಿ ಒಂದೇ ದಿನ ರಥೋತ್ಸವ ನಡೆಯುತದೇ. ಆದರೇ ಇಲ್ಲಿ ಮೂರು ದಿನಗಳ ಕಾಲ ರಥೋತ್ಸವ ನಡೆಯುವತ್ತದೆ. ಇದರಲ್ಲಿ ಒಂದು ದಿನ ಮಹಿಳೆಯರು ತೆರೆಮರೆಯಲ್ಲಿ ಇರುತ್ತಾರೆ. ಶಿವರಾತ್ರಿಯ ಅಮವಾಸ್ಯೆಯಾದ ಮೊದಲ ದಿನ ಪುರುಷರು ರಥೋತ್ಸವ ನಡೆಯಿತು. ಎರಡನೇ ದಿನ ಗ್ರಾಮದ ಹಾಗೂ ಸುತ್ತಮುತ್ತಲ್ಲ ಗ್ರಾಮಗಳಿಂದ ಆಗಮಿಸಿದ ಸುಮಂಗಲಿಯರೆಲ್ಲರಿಗೂ ಮುತ್ತೆö್ಯದೆಯರು ಉಡಿ ತುಂಬಿವ ಕಾರ್ಯಕ್ರಮ ನಡೆಯುವದು. ಸಂಜೆ 6ಗಂಟೆಗೆ ದೇವಸ್ಥಾನದ ಮುಂದೆ ಹೆಂಗಳೆಯರು ಕೈಯಲ್ಲಿ ಬಣ್ಣ ಬಣ್ಣದ ಕೋಲು ಹಿಡಿದು ಸ್ವಾಮಿಗಳ ಹಾಡುವ ಹಾಡಿಗೆ ಹೆಜ್ಜೆ ಹಾಕುತ್ತಾರೆ. ‘ಹರ ಹರ ಮಹಾದೇವ’ ಎನ್ನುತ್ತಾ ವೀರಗಚ್ಚೆ ಹಾಕಿದ ನೂರಾರು ಮಹಿಳೆಯರು ರಥ ಎಳೆಯುತ್ತಾರೆ. ಅವರಿಗೆ ದಾರಿ ದೀಪವಾಗಿ ಉಳಿದ ಹೆಂಗಳೆಯರು ದೀವಟಿಗೆ ಹಿಡಿದು ಮುಂದೆ ಮುಂದೆ ಸಾಗುತ್ತಾರೆ. ರಥ ಉಮಾ ಚಂದ್ರಮೌಳೇಶ್ವರ ಮಠದಿಂದ ಸಾಗಿ. ಪಾದಕಟ್ಟಿ ಸ್ಥಳವನ್ನು ಮುಟ್ಟಿ ಬೆಳದಿಂಗಳಲ್ಲಿ ಮರಳುವಾಗ ರಥ ಎಳೆದ ಸಂತಸದ ನಗೆ ಮಹಿಳೆಯರ ಕಂಡುಬಂತು.

ಮಲ್ಲಿಕಾರ್ಜುನ ಮೆದಿಕೇರಿ, ದೋಟಿಹಾಳ