ಎಂಎಸ್‌ಇಝಡ್‌: ಕಾಣೆಯಾಗಿದ್ದ ಭದ್ರತಾ ಸಿಬಂದಿ ಆತ್ಮಹತ್ಯೆ

ಬಜಪೆ: ಎಂಎಸ್‌ಇಝಡ್‌ನ‌ ಎಂಆರ್‌ಪಿಎಲ್‌ನಲ್ಲಿ ಭದ್ರತಾ ಸಿಬಂದಿಯಾಗಿದ್ದ  ಅಸ್ಸಾಂ ಮೂಲದ  ಸಮನ್‌ ಅಲಿ (29)  ಅ.18ರಂದು ಮುಂಜಾನೆ 4.45ಕ್ಕೆ  ಕಾಣೆಯಾಗಿದ್ದು, ಆತನ ಶವ  ನೇಣು ಬಿಗಿದ ಸ್ಥಿತಿಯಲ್ಲಿ ಶನಿವಾರ ಪತ್ತೆಯಾಗಿದೆ.

ನಾಪತ್ತೆಯಾಗಿದ್ದ ಸಮನ್‌ ಅಲಿಯನ್ನು ಶುಕ್ರವಾರದಂದು ಎಂಎಸ್‌ ಝಡ್‌ನೊಳಗೆ ಹುಡುಕಾಡಿದ್ದರು. ಎಂಎಸ್‌ಈಝಡ್‌ನ‌ ಇನ್ನೊಂದು ಬದಿಯಲ್ಲಿ ಪೊದೆಗಳ ಮಧ್ಯೆ ಮರಕ್ಕೆ ವಿಸಿಲ್‌ ಗಾರ್ಡ್‌ನಲ್ಲಿ ನೇಣು ಬಿಗಿದ ಸ್ಥಿತಿಯಲ್ಲಿ ಶನಿವಾರ  ಪತ್ತೆಯಾಗಿದೆ.

ಶವವನ್ನು ಪರೀಕ್ಷೆಗಾಗಿ  ವೆನ್‌ಲಾಕ್‌ ಆಸ್ಪತ್ರೆಗೆ ಕೊಂಡೊಯ್ಯಲಾಗಿದೆ. ರವಿವಾರದಂದು ಅತನ ಸಂಬಂಧಿಕರು ಬರಲಿದ್ದು,  ಬಳಿಕ ಶವ ಪರೀಕ್ಷೆ ಮಾಡಲಾಗುತ್ತಿದೆ.